ආශිකා බ්රාහ්මණ
කොළඹ LNW:සාමය ආරක්ෂා කර ගැනීමේ අරමුණින් රාගම පොලිස් බල ප්රදේශයට අයත් මහර බන්ධනාගාරය අවට ග්රාමසේවා වසම් තුනක් සඳහා වහාම ක්රියාත්මක වන පරිදි පොලිස් ඇඳිරි නීතිය පනවා තිබේ.
එලෙස ඇඳිරි නීතිය පනවා ඇත්තේ 246/කැන්දලියද්ද පාළුව – බටහිර, 246/සී කැන්දලියද්ද පාළුව – උතුර සහ 181/ජී දඹුව යන ග්රාමසේවා වසම් සඳහාය.
මහර බන්ධනාගාරයේ ඇතිවූ නොසන්සුන්තාව පාලනය කිරීමේ අරමුණින් එලෙස පොලිස් ඇඳිරි නීතිය පනවා ඇති අතර නැවත දැනුම්දෙනතුරු එම බල ප්රදේශයට ඇඳිරි නීතිය ක්රියාත්මකයි.
මහර බන්ධනාගාරයේ ඇති වූ ගැටුමින් රැඳවියෙක් මියගොස් තවත් රැඳවියන් 06 දෙනෙකු රෝහල් ගත කර තිබේ.
මේ අතර මහර බන්ධනාගාරයේ ඇති වූ නොසන්සුන්තාව නිරීක්ෂණය කිරීම සඳහා බෙල් 412 ගුවන් යානයක් සහ ඩ්රෝන යානයක් යොදවා ඇති බව ගුවන් හමුදාව පවසයි.
මේ වන විට තත්ත්වය පාලනය කිරීම සඳහා පොලීසිය සහ පොලිස් විශේෂ කාර්ය බළකාය යොදවා තිබේ.
