සටහන – පුලී
අගෝස්තු 01, LNW (කොළඹ): පේරුවේ නස්කා රේඛා (Nazca Lines) නැරඹීමට සංචාරකයන් රැගෙන යමින් තිබූ කුඩා ගුවන් යානයක් සෙනසුරාදා කඩා වැටීමෙන් අවම වශයෙන් 13 දෙනෙකු ජීවිතක්ෂයට පත්වී ඇතැයි එරට පොලීසිය පවසයි.
පොලිස් ප්රධාන ජෝර්ජ් ඇන්ඩ්රේඩ්ට අනුව, මගීන් 11 දෙනෙකු සහ කාර්ය මණ්ඩලයේ සාමාජිකයන් දෙදෙනෙකු මෙම අනතුරින් මියගොස් තිබේ.
අනතුර සිදුවූ ස්ථානය ඉතා ඉක්මනින් ගිනිගෙන ඇති බැවින් කිසිවෙකු බේරා ගැනීමට නොහැකි වූ බව දේශීය මාධ්ය වාර්තා කරයි. මෙම ගුවන් යානය පේරුවේ ඉකා (Ica) ප්රාන්තයේ පිස්කෝ (Pisco) නගරයෙන් පිටත්ව තිබුණි.
අනතුරට හේතුව මෙතෙක් අනාවරණය වී නොමැති අතර, බලධාරීන් වැඩිදුර විමර්ශන ආරම්භ කර තිබේ.
