රෂිකා හෙන්නායක අගෝස්තු 03 , කොළඹ LNW :
පවතින අධික වර්ෂාව හේතුවෙන් හැටන් – කොළඹ ප්රධාන මාර්ගයේ දියගල ප්රදේශයට පස්කඳු කඩා වැටීමෙන් ගමනාගමන කටයුතු සම්පූර්ණයෙන්ම ඇණහිට ඇති බව වාර්තා වෙයි.
මාර්ගයට පතිත වූ ගල් සහ පස් හේතුවෙන් මහනුවර, කොළඹ සහ නාවලපිටිය වැනි නගර කරා ගමන් ගන්නා මගීන් මෙන්ම රියදුරන් ද දැඩි දුෂ්කරතාවයට පත්ව සිටිති.
දැනටමත් මාර්ග සංවර්ධන අධිකාරිය සහ ප්රදේශවාසීන් එක්ව මාර්ගය විවෘත කිරීමේ කටයුතු ආරම්භ කර ඇති බව සඳහන් වේ.
කෙසේ වෙතත්, අවහිරතා ඉවත් කරන තෙක් පවතින අවදානම සලකා විකල්ප මාර්ග භාවිත කරන ලෙස පොලිසිය රියදුරන්ගෙන් ඉල්ලා සිටියි.
පවතින අයහපත් කාලගුණය මෙම තත්ත්වය තවදුරටත් බරපතළ කර ඇති බැවින් ප්රවේශම් විය යුතු බව අවධාරණය කෙරේ.
