රෂිකා හෙන්නායක අගෝස්තු 09, කොළඹ LNW :
තිරප්පනේ ප්රාදේශීය ලේකම් කොට්ඨාසයේ පවුල් 1,300කගේ පානීය ජල අවශ්යතාවය සපුරාලීම වෙනුවෙන් ඉදිකළ නව ජල පිරිපහදු මධ්යස්ථානයක් යුද හමුදාපතිවරයාගේ ප්රධානත්වයෙන් ජනතා අයිතියට පත් කර තිබේ.
මෙම ව්යාපෘතිය සඳහා ඇමරිකා එක්සත් ජනපදයේ පදිංචි පරිත්යාගශීලියෙකු විසින් රුපියල් ලක්ෂ විසිහයහමාරක මූල්ය දායකත්වයක් සපයා ඇත.
යුද හමුදාපතිවරයාගේ පෞද්ගලික මැදිහත්වීම මත ක්රියාත්මක වූ මෙම සමාජ සත්කාරය සඳහා යුද හමුදා සාමාජිකයින්ගේ ශ්රම දායකත්වය නොමඳව ලැබී ඇත.
මාස තුනක් වැනි කෙටි කාලයකදී වැඩ නිම කළ මෙම මධ්යස්ථානය පිහිටුවා ඇත්තේ තිරප්පනේ ප්රාදේශීය ලේකම් කාර්යාල පරිශ්රයේ වීම විශේෂත්වයකි.
මෙය නව යුද හමුදාපතිවරයා ධූරයේ වැඩ භාරගැනීමෙන් පසුව සහභාගී වූ ප්රථම ප්රජා සත්කාරක වැඩසටහන ලෙස ඉතිහාසයට එක් වේ.
මෙමගින් ප්රදේශයේ පවතින උග්ර ජල හිඟයට සාර්ථක තිරසාර විසඳුමක් ලැබෙනු ඇතැයි අපේක්ෂා කෙරේ.
