සටහන: සශිකලා මධුෂාණි
අගෝස්තු මස 10: ලෝකය(අවුට්බවුන්ඩ් ටුඩේ): රුසියාවට සහාය ලබාදීම සඳහා උතුරු කොරියාව තවත් හමුදා සාමාජිකයන් 50,000ක් දක්වා යැවීමට සූදානම් වන බව යුක්රේන ජනාධිපති වොලොදිමීර් සෙලෙන්ස්කි පවසයි.
සෙලෙන්ස්කි සඳහන් කර ඇත්තේ, රුසියානු–යුක්රේන යුද්ධය අතරතුර උතුරු කොරියාව මේ වන විටත් රුසියාවට සෙබළුන් දහස් ගණනක්, මිසයිල සහ කාලතුවක්කු ඇතුළු යුද උපකරණ ලබාදී ඇති බවයි.
උතුරු කොරියානු හමුදා සාමාජිකයන් මීට පෙරද රුසියානු හමුදාවට සහාය වීම සඳහා යොදවා තිබූ අතර, තවත් විශාල පිරිසක් යැවීමේ සූදානම යුද්ධයේ තත්ත්වය තවදුරටත් උග්ර කළ හැකි බවට අනතුරු ඇඟවී තිබේ.
මේ අතර, යුක්රේනයට අවි සැපයීම සම්බන්ධයෙන් තුර්කියද නව පියවරකට සූදානම් වන බව වාර්තා වේ. ඇමරිකානු නිෂ්පාදිත ATACMS මිසයිල ඇතුළු අවි යුක්රේනය සඳහා ලබාගැනීමට තුර්කිය හරහා කටයුතු සිදුවෙමින් පවතින බව සඳහන් වේ.
රුසියාව සහ උතුරු කොරියාව අතර වර්ධනය වෙමින් පවතින හමුදා සහයෝගීතාව මෙන්ම, යුක්රේනයට බටහිර සහාය තවදුරටත් පුළුල් වීමත් සමඟ යුක්රේන යුද්ධය ජාත්යන්තර මට්ටමින් තවදුරටත් සංකීර්ණ වෙමින් පවතින බව විශ්ලේෂකයෝ පෙන්වා දෙති.
