ශ්රී ලංකාව මුහුණ දී ඇති ආර්ථික අර්බුදයෙන් මිදීමට සහ ආර්ථික ස්ථාවරත්වය ගොඩනැඟීමට කැනඩාවේ සහාය හිමිවන බව ශ්රී ලංකාවේ කැනේඩියානු මහ කොමසාරිස් ඩේවිඩ් මැකිනන් මහතා අද (26) දින මහජන ආරක්ෂක අමාත්ය ටිරාන් අලස් මහතා හමුවූ මොහොතේ ප්රකාශ කළේය.
මෙම හමුව දෙපාර්ශවය අතර පැවැත්වූයේ මහජන ආරක්ෂක අමාත්යංශයේ ය.
ඒ අනුව, රට තුළ ආර්ථික ස්ථාවරත්වය ගොඩනැඟීමට කැනඩාවේ සහාය හිමිවනු ඇති බව කැනේඩියානු මහ කොමසාරිස්වරයා පොරොන්දු විය.
මෙම හමුව තුළ දී දෙරට අතර පවතින ද්වීපාර්ශ්වික සබඳතා පිළිබඳව දීර්ඝ වශයෙන් සාකච්ඡාවට බඳුන් වී ඇති අතර, රට තුළ පවතින වත්මන් තත්ත්වය, දේශපාලනික වාතාවරණය සහ ජනතා විරෝධතා ආදී කරුණු පිළිබඳව ද අමාත්යවරයා මහ කොමසාරිස්වරයා සමඟ අදහස් හුවමාරු කරගෙන ඇත.
කෙසේවෙතත්, කැනේඩියානු මහ කොමසාරිස්වරයා අවධාරණය කළේ, කුමන තත්ත්වයක් යටතේ වූවද මානව හිමිකම් සුරක්ෂිත කිරීමට කටයුතු කළ යුතු බවයි.
MIAP
