රෂිකා හෙන්නායක අගෝස්තු 27 , කොළඹ LNW :
නේපාලයේ ඇති වූ විනාශකාරී ගංවතුර හේතුවෙන් සිදු වූ ජීවිත හානි පිළිබඳව ශ්‍රී ලංකා ජනාධිපති අනුර කුමාර දිසානායක මහතා සිය බලවත් කනගාටුව ප්‍රකාශ කර තිබේ.
සමාජ මාධ්‍ය ඔස්සේ පණිවුඩයක් නිකුත් කරමින් එතුමා පවසා ඇත්තේ මෙම දුෂ්කර අවස්ථාවේදී නේපාල රජයට සහ එරට ජනතාවට අවශ්‍ය සහාය ලබාදීමට ශ්‍රී ලංකාව සූදානම් බවයි.
විශේෂයෙන්ම ආපදාවට ලක්වූවන් මුදාගැනීමේ සහ සහන සැලසීමේ කටයුතු සඳහා ශ්‍රී ලංකාවේ දායකත්වය ලබාදීමට ජනාධිපතිවරයා මෙහිදී කැමැත්ත පළ කර ඇත.
ස්වභාවික විපත්වලට මුහුණ දී ඇති ජාතියක් ලෙස ශ්‍රී ලංකාව නේපාලයේ ශෝකය බෙදාගන්නා බවත්, දෙරට අතර පවතින සහයෝගීතාව මෙහිදී තවදුරටත් තහවුරු වන බවත් එම නිවේදනයේ වැඩිදුරටත් සඳහන් වේ.
මෙම ප්‍රකාශය හරහා අසල්වැසි රටක සිදුවූ ඛේදවාචකයකදී ශ්‍රී ලංකාව දක්වන මානුෂීය ලැදියාව මැනවින් පිළිබිඹු වේ.
