රෂිකා හෙන්නායක සැප්තැම්බර් 05, කොළඹ LNW :
ශ්‍රී ලංකා අධ්‍යාපන අමාත්‍යාංශය විසින් පාසල් ලාංඡනය භාවිත කරමින් පවත්වනු ලබන ඕනෑම වැඩසටහනකදී මත්ද්‍රව්‍ය ප්‍රචාරණය සහ භාවිතය සම්පූර්ණයෙන්ම තහනම් කරමින් නව චක්‍රලේඛයක් නිකුත් කර ඇත.
විශේෂයෙන්ම මහා ක්‍රිකට් තරග වැනි උත්සවවලදී සිසුන් මත්ද්‍රව්‍යවලට යොමුවන බවට දෙමාපියන්ගෙන් එල්ල වූ චෝදනා සැලකිල්ලට ගනිමින් මෙම දැඩි තීරණය ගෙන තිබේ.
පාසල් සලකුණ යොදාගන්නා සෑම අවස්ථාවක්ම පාසල් උත්සවයක් ලෙස නිල වශයෙන් සලකනු ලබන අතර, මෙම නීති කඩකරන ඕනෑම උත්සවයක් වහාම අත්හිටුවීමට අධ්‍යාපන ලේකම්වරයාට බලය පවරා ඇත.
මෙම නව රෙගුලාසි නිසි පරිදි ක්‍රියාත්මක වන්නේද යන්න අමාත්‍යාංශය මගින් දැඩි අධීක්ෂණයට ලක් කිරීමට නියමිතය.
මෙමගින් පාසල් පද්ධතිය තුළ හික්මීම සුරැකීම සහ දරුවන් අනිසි පුරුදුවලින් ආරක්ෂා කර ගැනීම අපේක්ෂා කෙරේ.
