විපක්ෂයේ ඉතිරි වී ඇති දේශපාලනයත් අවසන්ම කළයුතු බව ආරක්ෂක නියෝජ්‍ය අමාත්‍ය, විශ්‍රාමික මේජර් ජනරාල් අරුණ ජයසේකර මහතා පවසයි.
“දැන් තමයි අපි එකතුවෙලා ලොකුම ගේම ගහන්න තියෙන්නෙ ඉස්සරහට. ආයෙ විපක්ෂයට විපක්ෂයකුත් නැහැ, විපක්ෂයට දේශපාලනයකුත් නැහැ, විපක්ෂයට ආයෙ අනාගතයකුත් නැහැ. දැන් ඔබලා සහ අපි එකතුවෙලා, සංවිධානාත්මකව ඔවුන්ගෙ ඉතුරු දේශපාලනයත් හමාර කරලා, තුරන් කරලා, ඉවර කරන්න ඕනෙ. පට්ට කම්බ හොරු, ඒ තරම් දූෂිතයො. මේ රට නැති කරන්න කෝටි ප්‍රකෝටි ගණන් හොරකම් කට්ටිය. ඔවුන් කාර් රේස් පැද්දෙ, ඔවුන් නයිට් ක්ලබ්වල ගියෙ, ඉඩම් ගත්තෙ, පාටි දැම්මෙ, ඔක්කොම කළේ ඔබලාගෙ අපේ සල්ලිවලින්”
විශ්‍රාමික මේජර් ජනරාල් අරුණ ජයසේකර මේ බව පැවසුවේ ඊයේ (06) බලංගොඩදී පැවති ජාතික ජන බලවේගයේ ජනහමුවක් අමතමිනි.
