ඉන්දීය ආරක්ෂක අමාත්‍ය රාජ්නාත් සිං මහතා නිල සංචාරයක් සදහා අද (08) දිනයේදී මෙරටට පැමිණීමට නියමිතව තිබේ.
මෙම සංචාරය තුළදී ඉන්දීය ආරක්ෂක අමාත්‍යවරයා, ජනාධිපති අනුර කුමාර දිසානායක, අග්‍රාමාත්‍ය ආචාර්ය හරිනි අමරසූරිය සහ ආරක්ෂක අමාත්‍යංශ ලේකම් සම්පත් තුයියකොන්තා යන මහත්ම මහත්මීන් ඇතුළු බලධාරීන් පිරිසක් හමුවීමට නියමිතය.
පසුගිය වසරේ ඉන්දීය අග්‍රාමාත්‍ය නරේන්ද්‍ර මෝදිගේ ශ්‍රී ලංකා සංචාරය අතරතුර අත්සන් කරන ලද ඉන්දු – ලංකා ආරක්ෂක සහයෝගීතා ගිවිසුම ක්‍රියාත්මක කිරීම පිළිබද මෙම සංචාරයේ දී සමාලෝචනය කෙරෙනු ඇති අතර සමුද්‍රීය ආරක්ෂාව පිළිබඳ සුවිශේෂී ගිවිසුමක් සහ ශ්‍රී ලංකාවේ හමුදා, පොලිස් නිලධාරීන්ට ඉන්දියාවේ පුහුණුව සඳහා ලැබෙන අවස්ථා වැඩිකිරීමේ ගිවිසුමක් ද අත්සන් තැබීමට නියමිත බවත් සඳහන්.
අමාත්‍ය රාජ්නාත් සිං මහතා අද සිට සැප්තැම්බර් 10 වනදා දක්වා මෙරට රැඳී සිටීමට නියමිතව ඇත.
ඉන්දීය ආරක්ෂක අමාත්‍යවරයෙකු මෙලෙස ශ්‍රී ලංකාවට පැමිණීමට නියමිතව ඇත්තේ වසර 38කට පසුව වීම ද විශේෂත්වයකි.
