ජාතික ජන බලවේගයට බලය හිමි වැලිගම ප්‍රාදේශීය සභාවේ 2027 වර්ෂය සඳහා වන අයවැය වාර්තාව වැඩි ඡන්ද එකකින් පරාජයට පත්ව තිබේ.
එම සභාවේ සභාපති චින්තක හේවාපතිරණ මහතා (ජාජබ) විසින් ඊයේ (13) දිනයේදී එම අයවැය වාර්තාව සභාවට ඉදිරිපත් කරන ලදී.
ඉන් අනතුරුව පැවති ඡන්ද විමසීමේදී ජාතික ජන බලවේගයේ ප්‍රමුඛ පාලක කණ්ඩායම ඊට පක්ෂව ඡන්ද 22ක් ලබාදුන් අතර සමගි ජන බලවේගය ප්‍රමුඛ විපක්ෂය අයවැයට විරුද්ධව ඡන්ද 23ක් ලබාදී තිබිණි.
පසුගිය පළාත් පාලන මැතිවරණයේදී වැලිගම ප්‍රාදේශීය සභාවේ බලය හිමිවූයේ සජබ ප්‍රමුඛ විපක්ෂයට වන අතර කෙටි කලක් තුළ එහි සභාපති ලසන්ත වික්‍රමසේකර ඝාතනයට ලක්වීමෙන් අනතුරුව ජාතික ජන බලවේගය විසින් එම සභාවේ බලය අත්පත් කරගත්තේය.
