ගිලන්ව සිටින කාවන්තිස්ස මහ ඇතා සුවපත් කිරීම සඳහා අවශ්‍ය වෛද්‍ය ප්‍රතිකාර වෙනුවෙන් සියලුම වියදම් දැරීමට කෝටිපති ව්‍යාපාරික ඩඩ්ලි සිරිසේන මහතා ඉදිරිපත්ව සිටී.
ඒ අනුව, තායිලන්තයෙන් වෛද්‍ය කණ්ඩායමක් ගෙන්වීම සඳහා කටයුතු කරන ලෙසයි ඒ මහතා ඉල්ලා සිටින්නේ.
ඩඩ්ලි සිරිසේන මහතා මේ සම්බන්ධයෙන් ජනාධිපති අනුර කුමාර දිසානායක මහතාව ද දැනුවත් කර ඇති අතර ජනාධිපතිවරයාගේ උපදෙස් මත වනජීවී අධ්යක්ෂ ජනරාල්වරයා ඇතුළු නිලධාරීන් සම්බන්ධ කරගනිමින් අවශ්‍ය කටයුතු සූදානම් කරමින් පවතින බවත් සඳහන්.
මේ සම්බන්ධයෙන් ඩඩ්ලි සිරිසේන මහතා සිය ෆේස්බුක් පිටුවෙහි තබා ඇති සටහන් දෙකක් පහතින් දැක්වේ.
කාවන්තිස්ස හස්තියා මේ වනවිට රෝගාතුරව සියඹලන්ගමුව ප්‍රදේශයේ කුඹුරක ඇදවැටී සිටී. වනජීවී සංරක්ෂණ දෙපාර්තමේන්තුවේ විශේෂඥ පශු වෛද්‍ය කණ්ඩායම් ඇතාගේ ජීවිතය බේරාගැනීම සඳහා ප්‍රතිකාර කටයුතුවල නිරත වී සිටිති.
