මෙරට සිටි විශාලතම හස්තියකු වූ කාවන්තිස්ස ඇතුගේ දේහය පිළිබඳ අවසන් කටයුතු ඊයේ (17) සියඹලන්ගමුව ප්‍රදේශයේදී සිදුකෙරිණි.
විපක්ෂ නායක සජිත් ප්‍රේමදාස මහතා ද එම අවස්ථාවට එක්ව සිටි අතර භික්ෂූන් වහන්සේලා වැඩමවා කාවන්තිස්ස ඇතුට පාංශුකූලය ලබාදී ආගමික වතාවත් ද සිදුකළේය.
පාදයකට වෙඩි වැදීමෙන් තුවාල ලබා දින ගණනක් තිස්සේ රෝගාතුරව සිටි කාවන්තිස්ස හස්තියා පෙරේදා (16) පෙරවරුවේ සියඹලන්ගමුව ප්‍රදේශයේ වෙල් යායක වැටී සිටියදී හමුවූ අතර වනජීවී දෙපාර්තමේන්තුවේ පශූ වෛද්‍යවරුන් එම ඇතුට ප්‍රතිකාර කිරීමට උත්සාහ කළත් එදින සවස වනවිට එම ඇතු මරණයට පත්ව තිබිණි.
