හිටපු ජනාධිපති, එක්සත් ජාතික පක්ෂ නායක රනිල් වික්‍රමසිංහ මහතා අද (18) අනුරාධපුර ප්‍රදේශයේ පැවැත්වෙන ආගමික උත්සවයකට සහභාගී වීමට සහ එම ප්‍රදේශයේ වැඩවසන ප්‍රධාන භික්ෂූන් වහන්සේලා පිරිසක් බැහැදැකීමට නියමිතව තිබේ.
මිහින්තලේ රජමහා විහාරයේ පිහිටි මිහිඳු මහා සෑයේ නව කොත පැළඳවීමේ උත්සවය අදට යෙදී ඇති අතර වික්‍රමසිංහ මහතා ඊට සහභාගී වීමට නියමිත ය. මෙම කොත් වහන්සේ සහ චූඩා මාණික්‍ය තායිලන්තයේ විශෙෂ පරිත්‍යාගයක් වශයෙන් ලැබී ඇත. ඒ අනුව මෙම උත්සවයට තායිලන්ත දූත පිරිසක් ද සහභාගී වීමට නියමිතව ඇත.
එමෙන්ම එම උත්සවයට සහභාගී වීමෙන් අනතුරුව වික්‍රමසිංහ මහතා අනුරාධපුරයේ ප්‍රධාන භික්ෂූන් වහන්සේලා පිරිසක් බැහැදැක, රටේ තත්වය පිළිබඳ සාකච්ඡා කිරීමට ද නියමිත බවයි ආරංචිමාර්ග සඳහන් කළේ.
