චීනය තුළ සමහර බටහිර සමාජ මාධ්‍ය ජාල තහනම්ව පැවතුණ ද අධික ජනගහණයක් පවතින එරට, ඔවුන්ගේ ම සමාජ මාධ්‍ය වේදිකා සාර්ථක ලෙස ක්‍රියාත්මක වෙමින් පවතී.
එම සමාජ මාධ්‍ය ජාලා තුළ භාණ්ඩ සහ සේවා අලෙවිය පිණිස Influencer චරිත බිහි කරන චීන සමාගම් වෙත තරුණියන් යොමු වන්නේ දහස් ගණනිනි.
අනාගත දිනෙක අන්තර්ජාල වෙළඳපොළෙහි බබලන තාරකාවක් වීම සඳහා ද ගනුදෙනුකරුවන්ගෙන් කිසියම් හෝ සන්තෝසමක් ලබා ගැනීම සඳහා ද සිහින දකින එම තරුණියන් අවම පහසුකම් පවා රහිත කුකුළු කූඩුවක් බඳු ගොඩනැගිල්ලක කුඩා ඉඩක් වෙන් කරගෙන Live Streaming සඳහා පුහුණුව ලබති.
හැකියාව විසින් නොව දෛවය විසින් අනාගතය තීරණය කරන වෘත්තියක් වෙනුවෙන් කැමරා කෝණය පපුව වෙත එල්ල වන සේ පෙළට බිම වාඩි වී පුහුණු වන තරුණියන්ගේ මෙම ඡායාරූපය මෙහි වදනින් නොපැවසූ බොහෝ දෑ ඔබ හට පවසනු ඇත.
~සහන් කසීර වික්‍රමසිංහ
RN
