1. ජනාධිපති රනිල් වික්‍රමසිංහ 2023 අයවැය ඉදිරිපත් කරයි – ප්‍රතිසංස්කරණ සහ නවීකරණය මත පදනම් වූ සමාජ වෙළෙඳපොළ ආර්ථිකය තුළින් 7% සිට 8% ක ඉහළ ආර්ථික වර්ධන වේගයක් සපුරා ගැනීමට අපේක්ෂා කරන බව පවසයි.
2. රජය 2023 දී රුපියල් බිලියන 1,220 ක රාජ්‍ය ආයෝජනයක් ඉලක්ක කරයි – ඉදිරි වසර 10 තුළ වාර්ෂිකව ඩොලර් බිලියන 3 ක සෘජු විදේශ ආයෝජන ලබා ගැනීම සඳහා මෙය ක්‍රියාත්මක කිරීමට සැලසුම් කර ඇත – 2023 – 2032 තුළ වාර්ෂිකව නව අපනයනවලින් ඩොලර් බිලියන 3ක් අපේක්ෂා කෙරේ.
3. 2022 දළ දේශීය නිෂ්පාදිතයෙන් 9.8% ක අයවැය හිඟය, 2023 දළ දේශීය නිෂ්පාදිතයෙන් 7.9% දක්වා අඩු කිරීමට පියවර! – 2022 ප්‍රාථමික අයවැය හිඟය දළ දේශීය නිෂ්පාදිතයෙන් -4.0% ක් වූ අතර එය 2023 දී -0.7% දක්වා වැඩිවනු ඇති බවට පුරෝකථනය වේ.
4. ශ්‍රීලංකන් ගුවන් සමාගම, ටෙලිකොම්, හිල්ටන්, වෝටර්ස් එජ් සහ ශ්‍රී ලංකා රක්ෂණ සංස්ථාව “ප්‍රතිව්‍යුහගත කිරීමට” සැලසුම්! – ලැබෙන මුදල් විදේශ විනිමය සංචිත සහ රුපියල ශක්තිමත් කිරීම සඳහා යෙදවීමට නියමිතය.
5. අයවැය මඟින් නව ආයතන කිහිපයක් යෝජනා කරයි! – “අක්‍රිය වත්කම්” සඳහා වූ ආයතනයක්; විදේශ වෙළඳාම සහ ආයෝජන ප්‍රවර්ධනය සඳහා පූර්ණ බලයලත් මධ්‍යගත ආයතනයක්; බදු පිළිබඳ ජනාධිපති කොමිසමක්; කෘෂි ව්‍යවසාය ගම්මාන; ක්ෂුද්‍ර මූල්‍ය ණය නියාමනය කිරීමේ අධිකාරියක්.
6. ඉකුත් සතිය තුළ ඇමරිකානු ඩොලරයේ ගැනුම් මිල රු. 360.97 ක සහ විකුණුම් මිල රු. 371.76 ක පවත්වා ගනිමින් මහ බැංකුව විනිමය අනුපාතිකය දැඩිලෙස ස්ථාවර කර ඇත – ගතවූ මාස 06 තුළ, ඉකුත් 2022 මැයි 12 දින සිට මහ බැංකුව ඩොලරයට සාපේක්ෂව රුපියලේ අගය රු. 360 සහ රු. 370 අතර ස්ථාවරව පවත්වා ගත්තේය.
7. කොළඹ අගරදගුරු අතිඋතුම් මැල්කම් කාදිනල් රංජිත් හිමිපාණන් කතෝලික නීතීඥයන්ගෙන් “දේශපාලන වශයෙන් ස්වාධීන” වන්නැයි ඉල්ලා සිටිති – ඔවුන් ජාතියේ සදාචාරාත්මක හෘදසාක්ෂිය වන මෙන් ඉල්ලා සිටිති.
8. අනුර යාපා, වෛද්‍ය සුදර්ශිනී ප්‍රනාන්දුපුල්ලේ, චන්දිම වීරක්කොඩි, ජෝන් සෙනෙවිරත්න, ජයරත්න හේරත් සහ පියංකර ජයරත්න යන ශ්‍රී ලංකා පොදුජන පෙරමුණේ මන්ත්‍රීවරුන් 06 දෙනෙකු සමඟි ජන බලවේගයට එක්වී ඇති බවට වාර්තා පළවේ – ජයරත්න සහ ප්‍රනාන්දුපුල්ලේ විසින් පසුව එම වාර්තා ප්‍රතික්ෂේප කර ඇත.
9. හිටපු මුදල් අමාත්‍ය රවී කරුණානායක නැවත ක්‍රියාකාරී දේශපාලනයට පැමිණීමට අපේක්ෂා කරයි – ඔහු එක්සත් ජාතික පක්ෂයේ නව මහලේකම්වරයා ලෙස පත්කිරීමට ඉඩ ඇති බවට විශ්වාස කෙරේ.
10. කොරියාවේ පැවැත්වෙන ආසියානු රග්බි 7 තරඟාවලියට සහභාගී වෙමින් සිටියදී, ශ්‍රී ලංකා කාන්තා රග්බි නායිකා දුලානි පල්ලෙකොන්දගේ අතුරුදන් වෙයි! – ඉන්චියොන් පොලීසිය පරීක්ෂණ අරඹයි.
