ජාතික නිදහස් පෙරමුණේ පාර්ලිමේන්තු මන්ත්රී ජයන්ත සමරවීර මහතා සහ ඔහුගේ ආරක්ෂකයින් විසින් කළ පහරදීමකින් තුවාල ලද පුද්ගලයකු බණ්ඩාරගම රෝහලට ඇතුළත් කර තිබේ.
මෙසේ රෝහල්ගත කර ඇත්තේ ජාතික නිදහස් පෙරමුණේ හිටපු ආසන සංවිධායකවරයෙකි.
ඔහු ප්රදේශයේ අවමංගල්ය අවස්ථාවකට සහභාගී වී යතුරු පැදියකින් ආපසු පැමිණෙමින් සිටියදී සුඛෝපභෝගී ජීප් රථයකින් පැමිණි මන්ත්රීවරයා ඔහුව නවතාගෙන ඇති අතර මන්ත්රී ආරක්ෂකයින් දෙදෙනා දෑත්වලින් අල්ලාගෙන සිටියදී මන්ත්රීවරයා ඔහුට පහරදී ඇති බවටයි පොලිසියට පැමිණිලි කර ඇත්තේ.
පොලිසියට පැමිණිලි කරන අතරවාරයේ සිහිසුන් වීම නිසා ඔහුව ගිලන් රථයකින් බණ්ඩාරගම රෝහලට ගෙනගොස් ඇති බවත් සඳහන්.
කෙසේවෙතත් පාර්ලිමේන්තු මන්ත්රී ජයන්ත සමරවීර මහතා ප්රකාශ කර ඇත්තේ අදාළ චෝදනාව අසත්යය බවකි.
RN
