දිවයින පුරා මධ්‍යස්ථාන 2894දී අද (18) දින පැවති 5 ශ්‍රේණිය ශිෂ්‍යත්ව විභාගය සාර්ථකව අවසන් වී තිබෙන අතර විභාගය පැවැත්වීමේදී පෙර මෙන් ගැටළු සහගත තත්ත්වයන් මතුව නොමැති බව විභාග කොමසාරිස් ජනරාල් එල්.එම්.ඩී. ධර්මසේන මහතා පවසයි.
සිසුන් 3,34,698ක් විභාගය සඳහා පෙනී සිට තිබේ.
මේ අතර විභාග ප්‍රතිඵල මාස එකහමාරත් දෙකක් අතර කාලයක් තුළ ලබදීමට කටයුතු කරන බවද ධර්මසේන මහතා කියාසිටියි.
එමෙන්ම උසස් පෙළ විභාගය එළඹෙන ජනවාරි 23 වැනි දින ආරම්භ කරන අතර සාමාන්‍ය පෙළ විභාගය මැයි මාසයේදී පැවැත්වෙන බවයි ඔහු සඳහන් කරන්නේ.
ASK
