පාපැදියෙන් රැකියාවට යන්න කියා ආණ්ඩුව ජනතාවට යෝජනා කරන බවත්, එහෙත් එහෙම යෝජනා කරන අය යන්නේ V8 වැනි සැප වාහනවල බවත් විපක්ෂ නායක සජිත් ප්රේමදාස මහතා පැවසීය.
ඔවා දෙනු පරහට තමා සම්මතයෙහි පිහිටා සිට යැයි තමන් ඔවුන්ට කියන බවද විපක්ෂ නායකතුමා සඳහන්කළේය.
දැන් තරඟෙට සභාපතිවරු ඉල්ලා අස්වෙන බවත් එසේ අස්වන්නේ හොරකම, අල්ලස, දූෂණය, වංචාව ඒවා තුළ ඇති නිසා බවත් හෙතෙම කියා සිටියේය.
කොවිඩ් ව්යසනය තුළින් අපේ රට දැවැන්ත වසංගතයකට මුහුණ දෙන අවස්ථාවේ මෙරට යල්පැන ගිය දේශපාලනය වෙනස් කරමින් විපක්ෂයක් ලෙස රටට අගයක් එකතු කළ බව පැවසූ විපක්ෂ නායකතුමා, සෙසු සියලු දේශපාලන පක්ෂ වලටද ඊට ආරාධනා කරන ලදී.
සෞභාග්ය දැක්ම වෙනුවට අභාග්යයේ දැක්ම නිර්මාණය වී ඇති අතර කිරිපිටි පෝලිම්, තෙල් පෝලිම්, සිමෙන්ති පෝලිම් රට පුරා නිර්මාණය වී ඇති බවයි ඔහු පැවසුවේ.
විපක්ෂ නායක සජිත් ප්රේමදාස මහතාගේ සංකල්පයක් ලෙස ක්රියාත්මක “සමගි ජනබලවේගයෙන් හුස්මක්” සහ “ජනසුවය” ඒකාබද්ධව මීගොඩ ආයුර්වේද රෝහලට අද (27) ත්රීරෝද රථයක් පරිත්යාග කිරීමේ අවස්ථාවට එක්වෙමිනුයි ප්රේමදාස මහතා මෙම අදහස් පළකළේ.
