ලබන මාසයේදී අලුත් දේශපාලන පක්ෂයක් පිහිටුවීමට කටයුතු කරන බව පාර්ලිමේන්තු මන්ත්රී පාඨලී චම්පික රණවක මහතා පවසයි.
“ලබන මැයි මාසයේ නව දේශපාලන පක්ෂයක් රටේ පිහිටුවනවා. මොකද මේ රට මේ බංකොලොත් භාවයෙන් මුදාගන්න නම් කුසලතාවය මත පදනම් වුණ දේශපාලන ව්යාපාරයක් අවශ්යයි. පවුල් උරුමයෙන් කරන දේශපාලනයට තිත තියන්නට ඕනේ. ඒ වගේම පාදඩ සල්ලවලින් ලංකාවේ මනාප දිනාගන්න දේශපාලනය වෙනස් කරන්න ඕනේ. ඒ වගේම යල්පැනගිය සමාජවාදය, ධනවාදය වෙනුවට නව ප්රායෝගිකවාදයක් මත රට ඉදිරියට ගෙනියන දේශපාලන මතවාදයක් ඕනේ. ඒක අපි මැයි මාසයේදී එළිදක්වනවා. එකේ නම එක්සත් ජනරජ පෙරමුණ”
චම්පික රණවක මහතා මේ බව පැවසුවේ ඊයේ (01) බදුල්ල ප්රදේශයේදී මාධ්ය වෙත අදහස් දක්වමිනි.
RN
