සටහන – රෂිකා හෙන්නායක
කොළඹ (LNW): අධිකරණ අමාත්‍ය ආචාර්ය විජේදාස රාජපක්ෂ මහතා නීතිපතිවරයාට උපදෙස් දී ඇත්තේ , මුහුදුබත් වූ X-Press Pearl නෞකාව අයත් සමාගමට එරෙහි කඩිනමින් වන්දි නඩුව පැවරීමට පියවර ගන්නා ලෙසයි
එම සාකච්ඡාවට නීතිපතිවරයා ඇතුළු ඊට අදාළ සියලු පාර්ශ්ව සහභාගි වූ බවත් අමාත්‍ය විජේදාස රාජපක්ෂ මහතා සඳහන් කළේ, එහිදී නෞකාව සම්බන්ධයෙන් නඩු පැවරීමේදී අනුගමනය කළ යුතු ක්‍රියා පිළිවෙත හා ඒ සඳහා වන නීතිමය ක්‍රියාවලිය සම්බන්ධයෙන් දීර්ඝ ලෙස සාකච්ඡා කළ බවයි.
මුහුදු බත්වූ X-Press Pearl නෞකාව අයත් සාමාගමට එරෙහිව අපරාධ නඩුවක් මේ වනවිට මෙරට අධිකරණයේදී විභාග වන අතර , මුහුදුබත්වූ X-Press Pearl නෞකාවේ ඉතිරිවී ඇති කොටස් ආසන්නයට ගොස් හානි පූර්ණ ගණනය කිරීම සඳහා සාම්පල ලබා ගැනීමට විද්වත් පර්යේෂණ කමිටුවට අවශ්‍ය පහසුකම් සලසන්නැයි පරිසරය පිළිබඳ ආංශික අධීක්ෂණ කාරක සභාව මීපා සහ නාරා ආයතනවලට ඊයේ උපදෙස් දී ඇත්තේ එහි සභාපති අජිත් මාන්නප්පෙරුම මහතාගේ ප්‍රධානත්වයෙන්එම සභාව රැස්වූ අවස්ථාවේදී ය.
