*
දේශීය පුවත් විස්තරය: සාරාංශය 04/29
- ශ්‍රී ලංකාවේ හිටපු නාවික හමුදාපති වසන්ත කරන්නාගොඩට එරෙහිව ඇමරිකාව විසින් පනවා ඇති සම්බාධක කිසිසේත්ම පිළිගත නොහැකි බව ශ්‍රී ලංකාවේ රුසියානු තානාපති Levan Dzhagaryan පවසයි. වයඹ පළාතේ වත්මන් ආණ්ඩුකාර කරන්නාගොඩට සහ ඔහුගේ පවුලේ අයට “මානව හිමිකම් කඩ කිරීම” සම්බන්ධයෙන් එක්සත් ජනපදයට ඇතුළුවීම තහනම් බව එක්සත් ජනපද රාජ්‍ය දෙපාර්තමේන්තුව මීට පෙර නිවේදනය කරන ලදී. ශ්‍රී ලංකා රජය ද එක්සත් ජනපද ක්‍රියාමාර්ගය හෙළාදකී.
- පුළුල් එකඟතාවකට එනතුරු රජය ත්‍රස්ත විරෝධී පනත පාර්ලිමේන්තුවට ඉදිරිපත් කිරීම ප්‍රමාද කරන බව අධිකරණ අමාත්‍ය විජයදාස රාජපක්ෂ පවසයි.
- ජාත්‍යන්තර මූල්‍ය අරමුදලේ ණය සහ මහ බැංකු අධිපති නන්දලාල් වීරසිංහ විදේශ ණය පැහැර හැරීමට ගත් තීරණය අතර සම්බන්ධයක් ඇති බව ජාතික ජන බලවේගයේ නායක පා.ම. අනුර කුමාර දිසානායක පවසයි: අයවැයෙන් මුදල් වෙන් කර තිබියදීත් මෙම පැහැර හැරීමේ තීරණය ගත් බව ද පවසයි: එම තීරණය “කුමන්ත්‍රණකාරී” ක්‍රියාවක් ලෙස නම් කරයි: මහ බැංකු අධිපතිවරයාට එරෙහිව මීට සමාන චෝදනා මන්ත්‍රීවරුන් කිහිප දෙනෙකු විසින් එල්ල කර ඇත: හදිසි ණය පැහැර හැරීම නිවේදනය කරන අවස්ථාවේ විදේශ විනිමය ගලා ඒම (pipeline) ඇ.ඩො. බිලියන 10.7 ක් තරම් අති විශාල අගයක් ගත් බව වාර්තා පෙන්වා දෙයි.
- කොළඹ කොටස් හුවමාරුව හි කොටස් තවදුරටත් පහත වැටේ: ආයෝජකයහු දේශීය ණය ප්‍රතිව්‍යුහගත කිරීම පිළිබඳ වැඩි පැහැදිලි කිරීමක් අපේක්ෂා කරති: සියලු කොටස් මිල දර්ශකයේ (ASPI) අගය 9000 සිට 8983 දක්වා පහත වැටේ.
- කොළඹ පාරිභෝගික මිල දර්ශකය (CCPI) මඟින් මනිනු ලබන සමස්ත උද්ධමනය 2023 මාර්තු හි පැවති 50.3% ට සාපේක්ෂව 2023 අප්‍රේල් හි 35.3% දක්වා පහත වැටී ඇති බව ජන සහ සංඛ්‍යාලේඛන දෙපාර්තමේන්තුව පවසයි: සංගණන දෙපාර්තමේන්තුව 2023 පෙබරවාරි සිට CCPI ගණනය කිරීමේ පදනම අත්තනෝමතික ලෙස වෙනස් කිරීම මත අඩු CCPI අගයන් වාර්තා වී ඇති බව විශ්ලේෂකයහු චෝදනා කරති.
- 2022 මහ බැංකු වාර්ෂික වාර්තාවට අනුව වයස අවුරුදු 5 ට අඩු ළමුන් අතර ළමා මන්දපෝෂණය තක්සේරු කිරීමට භාවිතා කරන ප්‍රධාන පියවරයන් වන “stunting” හා “wasting” යන අගයන් 2021 දී පැවති 7.4% සහ 8.2% සිට 2022 දී 9.2% සහ 10.1% දක්වා ඉහළ ගොස් තිබේ.
- නිවැරදි හවුල්කරුවකු සොයාගන්නා තුරාවට ගුවන් සේවය “පෞද්ගලීකරණය” කිරීම යහපත් එකක් වනු ඇති බව ශ්‍රීලංකන් ගුවන් සමාගමේ සභාපති අශෝක් පතිරගේ පවසයි. ගුවන් යානා නැවත සක්‍රිය කිරීමට සහ කල් ඉකුත්වන කල්බදු සහිත ගුවන් යානා ප්‍රතිස්ථාපනය කිරීමට අවශ්‍ය බව එම සේවයේ ප්‍රධාන විධායක නිලධාරී Richard Nuttall පවසයි.
- ශ්‍රී ලංකා මහ බැංකු පනත් කෙටුම්පත මැයි 11 වැනි දින විවාදයට (දෙවන වර කියවීම) ගැනීමට පාර්ලිමේන්තු කටයුතු පිළිබඳ කාරක සභාව තීරණය කරයි.
- ජාත්‍යන්තර මූල්‍ය අරමුදල සමඟ ශ්‍රී ලංකාවේ ගිවිසුම, පක්ෂව ඡන්ද 120ක් සහ විපක්ෂව ඡන්ද 25ක් ලබමින් පාර්ලිමේන්තුව තුළ සම්මත වෙයි: මන්ත්‍රීවරු 80ක් ඡන්දය දීමෙන් වැළකී සිටිති: ජාත්‍යන්තර මූල්‍ය අරමුදල සහ ණය පැහැර හැරීම වෙනුවෙන් දැඩිව පෙනී සිටින්නකු වූ හර්ෂ ද සිල්වා සහ සමගි ජන බලවේගයේ මන්ත්‍රීවරු ඡන්දය ප්‍රකාශ කරන අවස්ථාවේදී පාර්ලිමේන්තු සභා ගර්භයෙන් පිටව යති: හිටපු ජනාධිපති මහින්ද රාජපක්ෂ පක්ෂව ඡන්දය දෙයි: පාර්ලිමේන්තු මන්ත්‍රීවරුන් වන ජී එල් පීරිස්, විමල් වීරවංශ, සහ වාසුදේව නානායක්කාර පනතට විරුද්ධව ඡන්දය ප්‍රකාශ කරති: නාමල් රාජපක්ෂ එදින නොපැමිණ ඇති බව වාර්තා වේ.
- අයර්ලන්තයට එරෙහි 2 වැනි ක්‍රිකට් ටෙස්ට් තරඟය ඉනිමකින් සහ ලකුණු 10කින් ශ්‍රී ලංකා කණ්ඩායම ජය ගනියි: ශ්‍රී ලංකාව – 704/3d (කුසල් මෙන්ඩිස් 245, නිශාන් මධුෂ්ක 205, දිමුත් කරුණාරත්න 115, ඇන්ජලෝ මැතිව්ස් 100*) අයර්ලන්තය – 492 සහ 202: ශ්‍රී ලංකාව තරඟමාලාව 2-0ක් ලෙස ජය ගනී. ප්‍රභාත් ජයසූරිය ලොව වේගවත්ම ටෙස්ට් කඩුලු 50ක් දවාගත් දඟ පන්දු යවන්නෙකු ලෙසත්, වේගවත්ම ටෙස්ට් කඩුලු 50ක් දවාගත් ශ්‍රී ලංකා පන්දු යවන්නෙකු ලෙසත් වාර්තා පොතට එක්වෙයි.
