රගර් පරිපාලනය,ක්‍රීඩා අමාත්‍යවරයා විසින් අභිමතානුසාරීව විසුරුවා,ස්ථාවරකරණ කමිටුවක් පත් කිරීම අත් හිටුවන ලෙස රිට් ආඥාවක් ඉල්ලා හිටපු රගර් පරිපාලනය විසින් ගොනු කරන ලද අංක 204/2023 නඩුව, වගඋත්තරකරුවන් විසින් ගොනු කරන ලද විරෝධතා සමඟින් ගොනු කරන ලද ලේඛන කිහිපයක් පෙත්සම්කරුවන් වෙත ලබා නොදුන් බව පැහැදිළි වීම නිසා මැයි මස 30 වන දින නැවත කැඳවීමට අභියාචනාධිකරණය තීරණය කළේය.
හදිසි පදනමක් මත අධිකරණය විසින් එම දිනය ලබා දෙන ලද්දේ, දේශපාලන මැදිහත්වීම් මත ලෝක රග්බි සංගමය ශ්‍රී ලංකා රග්බි අත්හිටුවා ඇති බව පෙත්සම්කරුවන් වෙනුවෙන් පෙනී සිටි උගත් ජනාධිපති නීතීඥවරයා අධිකරණයේ අවධානයට යොමු කළ බැවින්ය.
අමාත්‍යවරයා සහ අමාත්‍යාංශ නිලධාරීන් නියෝජනය කරමින් අත්රේක සොලිස්ටර් ජෙනරාල් ජනාධිපති නීතිඥ සුමති ධර්මවර්ධන මහතා සහභාගි විය.අතුරු මණ්ඩලය (රග්බි) නියෝජනය කළේ ජනාධිපති නීතිඥ උදිත එගලහේවා මහතාය.
ශ්‍රී ලංකා රග්බි සංගමය වෙනුවෙන්, පහත දැක්වෙන නීතිඥ කණ්ඩායම නියෝජනය කරන ලදී.ජනාධිපති නීතිඥ ආචාර්ය ෆයිස් මුස්තාපා,නීතිඥ කීර්ති තිලකරත්න, ශ්‍රී ලංකා රග්බි නීති උපදේශක නීතිඥ පණ්ඩුක කීර්තිනන්ද පෙනී සිටිය අතර ෆයිසර් මුස්තාෆා බස්නාහිර රග්බි සංගමය වෙනුවෙන් ද පෙනී සිටියේය.
සටහන – නිශ්මං රණසිංහ
