ජල බිල්පත් ගෙවීම පැහැර හරින පුද්ගලයන් හේතුවෙන් ජල සම්පාදන මණ්ඩලය දැඩි දුෂ්කරතාවයට පත්ව සිටින බව ජල සම්පාදන අමාත්‍ය වාසුදේව නානායක්කාර මහතා පවසනවා. බිල්පත් ගෙවීම පැහැර හැර ඇති පුද්ගලයන් අතර හිටපු මෙන්ම වත්මන් මැති ඇමතිවරුන් පිරිසක්ද සිටින බවයි නානායක්කාර මහතා පෙන්වා දෙන්නේ.
ජල බිල්පත් නියමිත පරිදි නොගෙවූ හිටපු සහ වත්මන් මැති ඇමතිවරුන් 45 දෙනෙකු පිළිබඳව තොරතුරු හෙළි කරගෙන ඇති අතර ඔවුන් පිළිබඳව කැබිනට් මණ්ඩලය වෙත දැනුම් දෙන බවද ජල සම්පාදන ඇමතිවරයා සඳහන් කරයි.
මෙම මැති ඇමතිවරුන්ට එරෙහිව නීතිමය ක්‍රියාමර්ග ගැනීමටද ජල සම්පාදන මණ්ඩලය තීරණය කර තිබෙනවා.
UN
