සටහන – රෂිකා හෙන්නායක
කොළඹ (LNW): නීතිපති සංජය රාජරත්න මහතාගේ ප්‍රධානත්වයෙන් යුතු, X-Press Pearl නෞකා අනතුරින් වූ හානිවලට අදාළ එකඟතා පිළිබඳව සාකච්ඡා කිරීම සඳහා අමාත්‍ය මණ්ඩලය පත් කළ විශේෂ කණ්ඩායම අද (17)සිංගප්පූරුව බලා පිටත්ව යාමට නියමිතව තිබේ.
නීතිපති දෙපාර්තමේන්තුව සඳහන් කළේ , හෙට (18) හා අනිද්දා (19) ඊට අදාළ සාකච්ඡා පැවැත්වීමට බලාපොරොත්තු වන බවත් , නෞකා සහ රක්ෂණ සමාගම්වල නීතිඥයින් සහ නිලධාරීන් ඊට එක්වීමට නියමිත බවයි.
මේ වනවිට එක්ස්ප්‍රස් පර්ල් නෞකා අනතුරින් සිදුවූ හානියට අදාළ වන්දි මුදල අමෙරිකානු ඩොලර් බිලියන 6.4 ක් ලෙස ඇස්තමේන්තු කර ඇත .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
