සටහන – රෂිකා හෙන්නායක
කොළඹ (LNW): ජනාධිපති මාධ්ය කේන්ද්රයේ අද (20) පැවති ප්රවෘත්ති සාකච්ඡාවට එක් වෙමින් වැඩබලන ආයෝජන ප්රවර්ධන අමාත්ය දිලුම් අමුණුගම මහතා පැවසූවේ , මෙම වසරේ පළමු කාර්තුවේදී ශ්රී ලංකා ආයෝජන මණ්ඩලයට අමෙරිකානු ඩොලර් මිලියන 211ක ආයෝජන ස්ථිර වශයෙන් ලැබී ඇති බවයි.
එමෙන්ම මෙම වසරේ ජනවාරි මාසයේ සිට ජූලි මාසය තෙක් ලැබුණු ආයෝජන යෝජනා අතුරින් ඇමෙරිකානු ඩොලර් මිලියන 682ක වටිනාකමින් යුතු ආයෝජන ශ්රී ලංකා ආයෝජන මණ්ඩලය විසින් අනුමත කර ඇති බවද ඔහු පැවසීය .
තවද, මෙම වසර අවසන් වීමට පෙර සියලුම වර්ගයේ ආයෝජන අවස්ථා ආවරණය වන ආකාරයට නව නීති හඳුන්වා දීම සිදු කරන බවත් , මෙරට ආයෝජන සිදු කිරීම සඳහා බාධා වන නීති පිළිබඳ සොයා බලා විසඳුම් සැපයීමට මේ වන විටත් 07 දෙනකුගෙන් සමන්විත කමිටුවක් ද පත් කර ඇති බවයි පැවසෙන්නේ .
යම් ආයෝජකයෙක් මෙරට සිදු කරන ආයෝජනවලදී ඔවුන් අපනයන තත්ත්වයට පත්ව වසර දෙකක් ගත වන තුරු ඔවුන් වෙනුවෙන් විශේෂ බඳු සහන ලබා දීමට රජය අපේක්ෂා කරන බවද වැඩ බලන අමාත්යවරයා පැවසීය .
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
