එක්ස්ප්‍රස් පර්ල් නෞකාවෙන් සිදු වූ පාරිසරික හානිය තවමත් නතර වී නොමැති බවත් පසුගිය දිනක පුත්තලම වෙරළ තීරයට ග්‍රීස් සහ තවත් ද්‍රව්‍ය රාශියක් ගොඩ ගසා ඇති බවත් බොහෝ දෙනකු එය එක්ස්ප්‍රස් පර්ල් නෞකාවෙන් සමුදුරට එක් වූ ද්‍රව්‍ය දැයි සැක කරන බවත් විපක්ෂ නායක සජිත් ප්‍රේමදාස මහතා අනාවරණය කළේය.
මේ ව්‍යසනය සම්බන්ධ සියලු හානි ගණනය කර ඇත්තේ මීගමුවේ සිට පානදුර දක්වා වූ වෙරළ තීරයට වුවත් ඊට වඩා හානි සිදුව ඇති බවත් විපක්ෂ නායකවරයා පැවසීය.
මේ සම්බන්ධයෙන් සොයා බැලීමට ඇති ආයතන ඇත්තේ විවිධ විවිධ අමාත්‍යාංශ යටතේ බවත් පරිසර ඇමතිවරයා මේ කිසිවක් නොදන්නා බවත් අධිකරණ අමාත්‍යාංශය නීතිමය කටයුතු පමණක් සිදු කරන බවත් පැවසු විපක්ෂ නායකවරයා කියා සිටියේ මේ සියලු ආයතන එකට එකතු කර මෙම ව්‍යවසනයෙන් සිදු වූ සමස්ත හානිය ගණනය කරන ලෙස යි.
විපක්ෂ නායක සජිත් ප්‍රේමදාස මහතා මේ බව පැවසුවේ ඊයේ (21) පාර්ලිමේන්තුව අමතමිනි.
RN
