අයවැයෙන් වැඩ ලක්ෂයක් ව්‍යාපෘතිය ක්‍රියාත්මක වන්නේ කෙසේද යන්න මේ වනවිට රටටම පැහැදිලි බව සමගි ජන බලවේගයේ පාර්ලිමේන්තු මන්ත්‍රී නලින් බණ්ඩාර මහතා පවසනවා. රටේ ජනතාවගෙන් ලක්ෂ 70 කට 80 කට වැඩි පිරිසක් සාමාජිකත්වය දරන අර්ථසාධක අරමුදලෙන්ද 25% ක් පැහැර ගැනීමට ආණ්ඩුව සූදානම් වන බවයි මන්ත්‍රීවරයා පවසන්නේ.
ඇමරිකානු ඩොලර් මිලියනයකට අධික මුදලකට IPL කොන්ත්‍රාත්තුව හිමි වූ වනිඳු හසරංගගෙන්ද 25% ක මුදලක් අයකර ගතහොත් කිසිවෙකුත් පුදුම නොවිය යුතු බවද මන්ත්‍රීවරයා සඳහන් කරනවා.
අද විපක්ෂ නායක කාර්යාලයේ පැවති මාධ්‍ය හමුවට සහභාගිවෙමින් මන්ත්‍රීවරයා ප්‍රකාශ කළේ දැඩි සිමෙන්ති හිගයක් පවතින වකවානුවක වැඩ ලක්ෂයක් සිදු කරන්නේ කෙසේද යන්න ගැටලුවක් බවයි. ආණ්ඩුවේ සිටින ඇතැම් පුද්ගලයන් වෙන වෙන ගේම්වලට කප් ගැසූ පුද්ගලයන් බැවින් එවැනි කටයුතු සඳහා මෙම ව්‍යාපෘතිය ආරම්භ කළේද යන සැකය මතුවන බව නලින් බණ්ඩාර මහතා සඳහන් කරනවා.
UN
