සටහන – රෂිකා හෙන්නායක
කොළඹ (LNW): ජාතික ජන බලවේගයේ ගම්පහ දිස්ත්‍රික් මන්ත්‍රී විජිත හේරත් මහතා පාර්ලිමේන්තුවේදී පැවසූවේ , සෞඛ්‍ය ඇමති විශ්වාස භංගයෙන් පැරදුනොත් ඒ තනතුර ගන්න විපක්ෂයේ කෙනෙක් කෙළ හලාගෙන බලා ඉන්න බවයි.
එම නිසා සෞඛ්‍ය අමාත්‍යවරයාට එරෙහි විශ්වාසභංගයේ යටි අරමුණු ක්‍රියාත්මක වන බවද හේරත් මහතා කී අතර , ආණ්ඩුව සෞඛ්‍ය අර්බුදයක් නැතැයි කියන්න උත්සාහ කලත් ආණ්ඩුව රටේ සෞඛ්‍ය වට්ටමින් සිටින බව කී මන්ත්‍රීවරයා සෞඛ්‍ය ඇමතිවරයාම ඊට වගකිව යුතු යැයි තමා කියන්නේ නැතැයි ද මෙය ආණ්ඩුවේම සෞඛ්‍ය ප්‍රතිපත්තිවලට එරෙහි විශ්වාසභංගයක් බවද කීවේය.
අද වන විට හිතාමතාම සෞඛ්‍ය පද්ධතිය කඩා වට්ටවනවාද යන බරපතල සැකය ජනතාවට ඇතිවී තිබෙන්නේ යැයිද, ජනතාව ආණ්ඩුවේ රෝහල් වලට යාම නතර කළොත් අයි.එම්.එෆ් න්‍යාය පත්‍රයට අනුව පෞද්ගලීකරණ ක්‍රියාවලිය ක්‍රියාත්මක කරන්නට ආණ්ඩුවට අවස්ථාව ලැබෙන බවද මන්ත්‍රීවරයා තවදුරටත් කියා සිටියේය.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
