උප කුලපති තනතුරද අතහැර දමා තම පවුලේ සාමාජිකයන්ගෙන් මෙන්ම සමීප හිතමිතුරන්ගෙන්ද බැණුම් අසමින් තමා කෘෂිකර් අමාත්යංශයේ ලේකම් තනතුර බාර ගැනීමට තීරණය කළ බව කෘෂිකර් අමාත්යංශයේ හිටපු ලේකම් මහාචාර්ය උදිත් කේ. ජයසිංහ මහතා පවසනවා. ලේකම් තනතුර බාර ගැනීමට තීරණය කළ පසු ඇතැම් හිතමිතුරන් තමාට කතාකර ‘මේ කුණු ගොඩට පනින්නෙ උඹට පිස්සුද ?’ යැයි විමසූ බවද හිටපු ලේකම්වරයා ප්රකාශ කරනවා.
ඔහු මේ බව සඳහන් කළේ සිරස රූපවාහිනියේ දවස වැඩසටහනට සහභාගිවෙමිනි.
ලේකම්වරයා ලෙස තමා කටයුතු කළ ආකාරය සම්බන්ධයෙන් තෘප්තිමත් වන බවත් රටේ ජනතාවගෙන් 90% කට වැඩි බහුරතයක්ද එය පිළිගනු ඇතැයි තමා සිතන බවත් ජයසිංහ මහතා සඳහන් කරනවා.
කෘෂිකර්ම අමාත්යංශයේ ලේකම්වරයා ලෙස වෙනත් පුද්ගලයෙකු පත් කරනතුරු ඒ පිළිබඳව නොදැන සිටි බවත්, මේ වනතෙක් තමා ඉවත් කිරීමට හේතුව කුමක්ද යන්න නොදන්නා බවත් ඔහු පවසනවා. ඒ සම්බන්ධයෙන් විමසීමට හෝ තර්ක කිරීමට බලාපොරොත්තු නොවන බව ඔහු සඳහන් කරනවා.
UN
