සටහන – රෂිකා හෙන්නායක
කොළඹ (LNW): පූනේ අධිවේගී මාර්ගයක අධික වේගයෙන් රිය ධාවනය කිරීම සම්බන්ධයෙන්, ඉන්දීය ක්‍රිකට් නායක රෝහිත් ශර්මාට චෝදනා එල්ලවී ඇති අතර, ඒ අනුව ඔහුට එරෙහිව එරට පොලිසිය නීතිමය පියවර ගෙන ඇති බව වාර්තා වේ.
කෙසේ වෙතත් එහිදී අධික වේගයෙන් රිය පැදවීම හේතුවෙන් ඔහුට එරෙහිව දඩයක් පැනවීමට පොලීසිය කටයුතු කර ඇති අතර, සිය ලැම්බෝගිනි වර්ගයේ මෝටර් රථයෙන් ඔහු මෙලෙස අධිවේගී මාර්ගයේ පැයට සැතපුම් 200 ක වේගයෙන් රිය ධාවනය කර ඇති බව මේ වනවිට අනාවරණය කගෙන ඇත.
කණ්ඩායමේ සාමාජිකයින් සමග ඔහුටද පොලිස් ආරක්ෂාව යටතේ නිල බස් රථයේ ගමන්කරන ලෙසට මෙහිදී පොලිස් නිලධාරීන් ඔහුට උපදෙස් දී ඇති බව වාර්තා වේ. මේ වනවිට එම සිදුවීම පිළීබඳ ලෝකයේම අවධානය යොමුව ඇත.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??
