රුසියානු හමුදා අද පෙරවරුවේ යුක්රේන දේශසීමා උල්ලංඝනය කරමින් යුක්රේනයට ඇතුළුවීමත් සමග දෙරට අර යුද ගැටුම් ආරම්භ වී තිබෙනවා. ජාත්‍යන්තර මාධ්‍ය වාර්තා කරන්නේ යුක්රේනයේ බොහෝ ප්‍රදේශවලින් දරුණු පිපිරීම් වාර්තා වන බවයි.
යුක්රේන පාලනය පවසන්නේ රුසියානු ආක්‍රමණයෙන් සිය ජනතාව බේරා ගැනීමට සියලු ක්‍රියාමාර්ග ගැනීමට සූදානම් බවයි. තම ජනතාව බේරා ගැනීම සඳහා ලෝක ප්‍රජාවගෙන් සහාය බලාපොරොත්තු වන බවද යුක්රේන පාලනය ප්‍රකාශ කරනවා.
මේ අතර යුක්රේන හමුදා ප්‍රහාර හේතුවෙන් යුක්රේන දේශසීමා උල්ලංඝනය කළ රුසියානු ප්‍රහාරක යානා 05 ක් සහ හෙලිකොප්ටරයක් විනාශ වී ඇති බවයි.
යුක්රේනය පුරා හමුදා නීතිය පැනවීමට ජනාධිපති ව්ලැදිමීර් සෙලෙන්ස්කි පියවර ගෙන ඇති අතර කලබල නොවී සිටින ලෙස ඔහු සිය ජනතාවගෙන් ඉල්ලා සිටිනවා.
යුක්රේනයට ඇතුළු වූ රුසියානු හමුදා එරට අගනුවර වන කිව් නගරය ඇතුළු ප්‍රදේශ කිහිපයකට මිසයිල ප්‍රහාර එල්ල කර තිබෙන බවද ජාත්‍යන්තර මාධ්‍ය වාර්තා කරයි.
UN
