1.ජනපති සහ මුදල් අමාත්ය රනිල් වික්රමසිංහ 2024 අයවැයෙන් සහන සහ ප්රතිසංස්කරණ රාශියක් එළිදක්වයි – “ආර්ථික විප්ලවයක්” ඇති කිරීමට එක්වන ලෙස සියලුම දේශපාලන පක්ෂවලින් ඉල්ලා සිටී: රජයේ සේවකයන් 1,300,000ක්, විශ්රාමිකයන් 700,000ක් සහ “අස්වැසුම” ප්රතිලාභීන් 2,000,000ක් සඳහා දීමනාව වැඩි කරයි: වැට් බද්දෙන් සියලුම නිදහස් කිරීම් ඉවත් කර අනුපාතය 18% දක්වා වැඩි කරයි: සමාජ ආරක්ෂණ දායක බද්ද රඳවා ගනී.
2.මහනුවර නව තාක්ෂණ විශ්වවිද්යාලයක් ස්ථාපිත කරන බවත් අනෙකුත් උසස් අධ්යාපන ආයතනවල හැකියාවන් පුළුල් කරන බවත් ජනපති රනිල් වික්රමසිංහ ප්රකාශ කරයි – ශ්රී ලංකාවේ විශාලතම රාජ්ය බැංකු 2 න් 20% ක කොටස් ආයෝජකයින්ට සහ තැන්පත්කරුවන්ට ලබා දෙන බව ද පවසයි.
3.2023 සඳහා වන අයවැය ආදායමට සාපේක්ෂව, 2023 සඳහා රජයේ සැබෑ බදු ආදායම රුපියල් බිලියන 534 කින් දැවැන්ත ලෙස පහත වැටීමට අපේක්ෂා කරන බව අයවැය දත්ත පෙන්වා දෙයි – 2023 වර්ෂය සඳහා රජයේ ආදායම් අලාභය 17% ට වඩා වැඩි වනු ඇත: ආදායම් බදු – 5% කින් පහත වැටීම, භාණ්ඩ සහ සේවා මත බද්ද – 22% කින් සහ විදේශ වෙළඳාම මත බද්ද – 22% කින් අඩු වේ.
4.ශ්රී ලංකා පොදුජන පෙරමුණේ පාර්ලිමේන්තු මන්ත්රී නාමල් රාජපක්ෂ පසුගිය අයවැයෙන් ප්රකාශ කළ බොහෝ වැඩපිළිවෙලවල් ක්රියාත්මක කර නොමැති බවත් එම නිසා මෙවර අයවැයෙන් ද ඒවා නැවත ඉදිරිපත් කර ඇති බවත් අවධාරණය කරයි – “පොහොට්ටු” රජයේ මුදල් ඇමතිවරයා ලෙස ජනාධිපතිවරයා පැමිණ ඇති බවත්, “සුරංගනා කතාවලින් වැඩක් නැති බවත්” වැඩිදුරටත් ප්රකාශ කරයි.
5.හිඟ බිල්පත් ගෙවීමට අපොහොසත් වීම හේතුවෙන් ලංවිම පාරිභෝගිකයින් ලක්ෂ 5කට අධික පිරිසකගේ විදුලි සැපයුම 2023 ඔක්. වන විට විසන්ධි කර ඇති බව ලංකා විදුලිබල මණ්ඩලයේ මාධ්ය ප්රකාශක ඉංජිනේරු නොයෙල් ප්රියන්ත අවධාරණය කරයි – ලංවිම රෙගුලාසි වලට අනුව එය සිදු කර ඇති බව ප්රකාශ කරයි: ගෙවීම් කළ පසු සැපයුම යථා තත්වයට පත්වනු ඇත.
6.අභියාචනාධිකරණයේ පුරප්පාඩු 2ක් පිරවීමට ජනපති රනිල් වික්රමසිංහ මහතාට නම් 3ක් ලැබේ – අගවිනිසුරු ජයන්ත ජයසූරිය විසින් ජ්යෙෂ්ඨතම මහාධිකරණ විනිසුරුවරුන් දෙදෙනා වන ගිහාන් කුලතුංග සහ දමිත් තොටවත්ත නම් කළ අතර නීතිපති සංජය රාජරත්නම් විසින් ජ්යෙෂ්ඨ නියෝජ්ය සොලිසිටර් ජනරාල් මහේන් ගොපල්ලව නම් කර තිබේ: ජනාධිපතිවරයා නම් දෙකක් ව්යවස්ථා සභාවේ අනුමැතිය සඳහා ඉදිරිපත් කිරීමට නියමිතය.
7.රුපියල් මිලියන 10ක අල්ලසක් ලබා ගත් බව කියන සිද්ධියක් සම්බන්ධයෙන් අත්අඩංගුවට ගත් මධ්යම පරිසර අධිකාරියේ හිටපු සභාපති සුපුන් එස් පතිරගේ මහතාට කොළඹ ප්රධාන මහේස්ත්රාත් අධිකරණයෙන් ඇප!- සෙසු සැකකරුවන් 2 දෙනා නොවැම්බර් 24 දක්වා යළි රක්ෂිත බන්ධනාගාර ගත කෙරේ.
8.2023 නොවැම්බර් 13 වන දින රජයේ භාණ්ඩාගාර බිල්පත් වෙන්දේසිය දරුණු ලෙස අසාර්ථකයි: වසර 3 බැඳුම්කර – පිරිනැමූ ප්රමාණය රු. මිලියන 60,000, ලබාගත් ප්රමාණය රු. මිලියන 60,000 (100%); වසර 4 බැඳුම්කර – පිරිනැමූ ප්රමාණය රු. මිලියන 110,000, එහෙත් ලබාගත් ප්රමාණය රු. මිලියන 4,557 (4.1%) පමණි; වසර 7 බැඳුම්කර – පිරිනැමූ ප්රමාණය රු. මිලියන 80,000, එහෙත් ලබාගත් ප්රමාණය රු. මිලියන 8,667 (10.8%) පමණි; පිරිනැමූ සමස්ත භාණ්ඩාගාර බැඳුම්කර ප්රමාණය රු. මිලියන 250,000, එහෙත් ලබාගත් ප්රමාණය රු. මිලියන 73,224 (29.3%) පමණි; දැවැන්ත මූල්ය හා පොලී අනුපාත අර්බුදයක් ළඟළඟම පැමිණෙමින් තිබෙන බවට විශ්ලේෂකයෝ අනතුරු අඟවති.
9.හිටපු ක්රිකට් ක්රීඩක අරවින්ද ද සිල්වා ICC “හෝල් ඔෆ් ෆේම්” වෙත ඇතුළත් කිරීමට තීරණය කර තිබේ – ඔහු කුමාර් සංගක්කාර, මුත්තයියා මුරලිදරන් සහ මහේල ජයවර්ධනගෙන් පසුව ප්රභූ කණ්ඩායමට එක්වන 4 වැනි ශ්රී ලාංකිකයා වනු ඇත: අරවින්ද ලෝක කුසලාන අවසන් පූර්ව තරගයේදී විරේන්ද්ර ෂෙවාග් සහ ඩයනා එඩුල්ජි සමඟින් Wankhede ක්රීඩාංගණයේදී උපහාර ලැබීමට නියමිතය.
10.ශ්රී ලංකා ක්රිකට් අර්බුදය සම්බන්ධයෙන් ක්රීඩා අමාත්ය රොෂාන් රණසිංහ අපරාධ පරීක්ෂණ දෙපාර්තමේන්තුවට පැමිණිල්ලක් ගොනු කරයි – මෙම පැමිණිල්ල ශ්රී ලංකා ක්රිකට් විගණන වාර්තාවෙන් හෙළි වූ කරුණු සහ ඔහුට එල්ල වූ මරණ තර්ජනවලට අදාළ බව ආරංචි මාර්ග පවසයි.
