සටහන – නිශ්මං රණසිංහ
කොළඹ (LNW): බහරේන් ජාත්‍යන්තර බැඩ්මින්ටන් සූරතාවලියේදී පිරිමි යුගල අංශයෙන් අවසන් යුගල අට අතර සිටි ශ්‍රී ලංකාව නියෝජනය කළ යුගලයන් දෙකටම ඊයේ පරාජය වැළඳ ගන්නට සිදු වුණා.
ඔශාමික කරුණාරත්න සහ තුලිත් පල්ලියගුරු ඉදිරි ගමනට හරස් වුණේ ඉන්දියාවේ ක්‍රීස්න ප්‍රසාද් සහ සායි ප්‍රතීක්.ඔවුන් දෙදෙනා ඔශාමිකට සහ තුලිත්ට එරෙහිව ලකුණු 21 – 14 සහ 21 -14 ලෙස තරග වට 2- 0 ක ජයක් ලබා ගන්නට සමත් වුණා.
මධුක දුලාංජනට සහ ලහිරු වීරසිංහට එරෙහිව තරග වට 2-0 ක ජයක් ලබමින් අවසාන යුගල හතර අතරට එකතු වෙන්නට තායිලන්තය නියෝජනය කළ සිරාවිතට් සුතෝන් සහ නට්ටාපාට් ට්‍රින්කජී සමත් වුණා.එම තරගයේදී ඔවුන් ඉදිරියේ මධුක සහ ලහිරු පරාජයට පත් වුණේ ලකුණු 21 – 14 සහ 21 -7 ක් ලෙසයි.
