ආසියානු සංවර්ධන බැංකුව විසින් ඊයේ (දෙසැම්බර් 8 ) දින නිවේදනය කර ඇති පරිදි රටේ මූල්ය ස්ථායිත්වය පවත්වා ගැනීම සඳහා උදවුවක් ලෙස ඩොලර් මිලියන 200ක සහන ණය මුදලක් අනුමත කර තිබෙනවා. ඊට අමතරව මහ බැංකුවේ හා මුදල් අමාත්යාංශයේ තාක්ෂණික හැකියාවන් වර්ධනය කිරීම සඳහා ඩොලර් මිලියනයක ආධාර මුදලක්ද වෙන් කර තිබෙනවා.
ඉහත සහන ණය මුදල ඩොලර් මිලියන 400ක සහන ණය මුදලක පළමු කොටස වන අතර, එහි දෙවන කොටස ලෙස තවත් ඩොලර් මිලියන 200ක මුදලක් එළැඹෙන 2024 වසර තුළ ලබා දීමට නියමිතයි. පළමු කොටස රටේ මූල්ය ස්ථායීත්වය පවත්වා ගැනීම සඳහා අවශ්ය වූ ක්ෂණික ක්රියා මාර්ග වල පිරිවැය ආවරණය කර ගැනීම සඳහා යොදා ගත හැකි අතර, දෙවන කොටස ලැබුණු විට එම මුදල දිගුකාලීනව රටේ මූල්ය ස්ථායීත්වය පවත්වා ගැනීම සඳහා අවශ්ය ක්රියාමාර්ග වෙනුවෙන් වැය කළ යුතුයි.
ජාත්යන්තර මූල්ය අරමුදලේ නිරීක්ෂණ අනුව රටේ ආර්ථිකය ස්ථාවර වෙමින් තිබීම මෙම ණය මුදල අනුමත කිරීමේදී ආසියානු සංවර්ධන බැංකුව විසින් සැලකිල්ලට ගෙන තිබෙනවා. මෙවැන්නක් විශේෂයෙන් සඳහන් කිරීමෙන් පෙනී යන්නේ ඉදිරි දින කිහිපය තුළ ජාත්යන්තර මූල්ය අරමුදලේ දෙවන වාරිකය ලැබෙන්නට විශාල ඉඩකඩක් ඇති බවයි.
~ ඉකොනොමැට්ටා
RN
