*
Thursday, February 29, 2024
spot_img

Latest Posts

කොළඹ නෙළුම් කුළුණට අද එක් වන  ‘Blue Orbit’ වෙතින්  නව එළියක්!

සටහන – රෂිකා හෙන්නායක

කොළඹ (LNW):  අද (9) පස්වරුවේ , මෙරට සංචාරක කර්මාන්තයේ ප්‍රවර්ධනයට ශක්තියක් වෙමින් දෙස් විදෙස් සංචාරකයන්ට නවමු අත්දැකීමක් ගෙන එන කොළඹ නෙළුම් කුළුණේ පිහිටි කැරකෙන අවන්හල ජනාධිපති රනිල් වික්‍රමසිංහ මහතාගේ ප්‍රධානත්වයෙන් විවෘත කිරීමට සියලු කටයුතු සූදානම් කර ඇති බව වාර්තා වේ.

ආයෝජන ප්‍රවර්ධන රාජ්‍ය ඇමැති දිලුම් අමුණුගම මහතා ප්‍රකාශ කළේ, දකුණු ආසියාවේ උසම අවන්හල ලෙසින්, කොළඹ නෙළුම් කුළුණු පරිශ්‍රයේ පිහිටි ‘Blue Orbit’ අවන්හල තුළ එක්වරකදී 225ත් 250ත් අතර පිරිසකට රැඳී සිටීමේ හැකියාව පවතින අතර, එය නෙළුම් කුලුන පරිශ්‍රයේ 27 වැනි මහලේ පිහිටා තිබෙන බවයි .

නෙළුම් කුලුන කළමනාකරණ පෞද්ගලික සමාගම සහ සිට්‍රස් සමාගම එක්ව මෙම කැරකෙන අවන්හල පවත්වාගෙන යන අතර, එය දිවා සහ රාත්‍රි ආහාරපාන ලබාගැනීම වෙනුවෙන් විවෘතව තැබෙනු ඇත. දිවා ආහාරය සඳහා පෙ.ව. 11.00 සිට ප.ව. 3.30 දක්වාත්, රාත්‍රී ආහාරය සඳහා ප.ව. 6.30 සිට රාත්‍රී 11.30 දක්වාත් කැරකෙන අවන්හල විවෘතව පවතින බවද දිලුම් අමුණුගම මහතා කියා සිටී.

මේ අවන්හල උපයන ලාභයෙන් 80%ක් නෙළුම් කුළුණ කළමනාකරණ සමාගමටද, ඉතිරි 20% සිට්‍රස් සමාගමටද ලැබෙන පරිදි ක්‍රියාත්මක වන අතර, අවන්හල පවත්වාගෙන යෑම සඳහා නෙළුම් කුලුන කළමනාකරණ සමාගම විසින් රුපියල් මිලියන 220ක මුදලක් ආයෝජනය කර තිබේ.

රාජ්‍ය ඇමැති දිලුම් අමුණුගම මහතා වැඩිදුරටත් සදහන් කළේ,

මුලින් ආයෝජන ප්‍රවර්ධන අමාත්‍යාංශය යටතේ පැවැති නෙළුම් කුලුන මේ වන විට මුදල් අමාත්‍යාංශය යටතේ පවතිනවා. නෙළුම් කුලුන ඉදිකිරීම වෙනුවෙන් ගත් ණය මුදල මේ වන විට නිසි පරිදි කොළඹ නෙළුම් කුලුන කළමනාකරණ සමාගම විසින් ගෙවා තිබෙනවා. මේ ව්‍යාපෘතිය සුදු අලියෙක් කියා අර්ථකථනය කරන්න ඇතැමුන් උත්සාහ කළා. එහෙත් අද වන විට මෙහි තත්ත්වය අපිට දකින්න ලැබෙනවා. මේ වන විට මෙහි සියලු කුටි වෙනුවෙන් බදු ගිවිසුම් අත්සන් කර තිබෙනවා. ඒ අනුව මේ වනවිට ගිවිසුම්ගත වීම අවසන් කර තිබෙනවා.

මේ වන විට කොටසක් ව්‍යාපාර කටයුතු ආරම්භ කර තිබෙනවා. මෙය ආයෝජන ක්ෂේත්‍රයට මෙන්ම සංචාරක කර්මාන්තයේ දියුණුවටත් වැදගත් වෙනවා. එය කළමනාකරණය වෙනුවෙන් සිට්‍රස් හෝටල් සමූහය විසින් බාරගෙන තිබෙනවා. එය එම හෝටල් සමූහය සහ කොළඹ නෙළුම් කුලුන කළමනාකරණ සමාගම ඒකාබද්ධව මෙහෙයුම් කටයුතු සිදු කරනවා” යැයි අමාත්‍යවරයා පැවසීය.

රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත??

Latest Posts

spot_img

දේශපා

Don't Miss

Stay in touch

To be updated with all the latest news, offers and special announcements.

sakarya escort bayan Eskişehir escort bayan

eskişehir escort sakarya escort sakarya escort bayan eskişehir escort bayan