දැයේ දූදරුවන්ගේ පරිගණක තාක්ෂණ දැනුම සංවර්ධනය කිරීම සඳහා විපක්ෂ නායක සජිත් ප්‍රේමදාස මහතාගේ සංකල්පයක් මත ක්‍රියාත්මක “සක්වල” වැඩසටහන යටතේ 54 වැනි සුහුරු පන්ති කාමරය බියගම, සපුගස්කන්ද මහා විද්‍යාලයට ප්‍රදානය කිරීම ඊයේ (14) සිදු කෙරිණි.
ඒ, විපක්ෂ නායක සජිත් ප්‍රේමදාස මහතාගේ ප්‍රධානත්වයෙනි.
සමගි ජන බලවේගය විසින් ක්‍රියාත්මක කරන හුස්ම වැඩසටහන යටතේ මේ වන විට දිවයින පුරා විවිධ ප්‍රදේශවල රෝහල් 56කට රුපියල් ලක්ෂ 1,710ක් වටිනා ඖෂධ සහ රෝහල් උපකරණ ලබාදී තිබේ. සක්වල බස් රථ වැඩසටහන යටතේ පාසල් 80 ක් සඳහා රුපියල් ලක්ෂ 50ක් වටිනා බස් රථ 80ක් ලබා දී ඇති අතර ඒ සඳහා රුපියල් ලක්ෂ 3,890 ක් වැය කර ඇත. සක්වල තොරතුරු තාක්ෂණ වැඩසටහන යටතේ පාසල් 54ක් සඳහා සුහුරු පන්ති කාමර උපකරණ ලබා දී ඇති අතර ඒ සඳහා වැය කර ඇති මුදල රුපියල් ලක්ෂ 507 කි.
RN
