කොළඹ LNW:ඊයේ (17 )දිනයේ ආරම්භ කළ ”යුක්තිය” විශේෂ මෙහෙයුමේ දී ගතවු පැය 24ක කාලය තුළ සැකකරුවන් දෙදහස් එකසිය විසිඑක් දෙනෙකු අත්අඩංගුවට ගෙන තිබේ.
වැඩබලන පොලිස්පති දේශබන්දු තෙන්නකෝන් මහතාගේ උපදෙස් මත දිවයින පුරා මෙම වැටලීම් සිදුකෙරුණි.
එය ක්‍රියාත්මක වුණේ අපරාධකල්ලි සාමාජිකයින් සහ මත්ද්‍රව්‍ය ජාවාරම මැඩලීමේ අරමුණෙනි.
එම මෙහෙයුම්වලදී හෙරොයින්, අයිස්,ගංජා,ඈෂ්,මාවා ඇතුළු මත්ද්‍රව්‍ය තොග විශාල ප්‍රමාණයක් සෙයා ගැනීමටද පොලීසියට හැකි වී ඇත.
අත්අඩංගුවට ගැනුණු සැකකරුවන් 2,121 දෙනාගෙන් 12 දෙනෙකු රැදවුම් නියෝග ලැබූවන් බව සඳහන්.
තවද සැකකරුවන් පස් දෙනෙකු සම්බන්ධයෙන් වත්කම් විමර්ශන ආරම්භ කර තිබේ.
පුනරුත්ථාපනය සදහා පුද්ගලයින් 153 දෙනෙකු යොමු කිරීමට නියමිත අතර පොලිස් මත්ද්‍රව්‍ය නාශක කාර්යාංශය සහ විශේෂ කාර්යාංශයේ ලේඛනගත සැකකරුවන්ගේ ලැයිස්තුවේ සිටි 116 දෙනෙකු ද අත්අඩංගුවට පත්වූවන් අතර වන බව පොලීසිය කියාසිටියි.
ASK
