කොළඹ LNW:පාසල් සංවර්ධන නිලධාරීන් වහාම ගුරු සේවයට අන්තර්ග්‍රහණ කරන ලෙස බලකරමින් අද (18) කොටුව දුම්රියපොළ ඉදිරිපිටදී උද්ඝෝෂණයක් පැවැත්විය.
සමස්ත ලංකා පාසල් සංවර්ධන නිලධාරී එකමුතුව විසිනුයි එය සංවිධානය කර තිබුණේ.
උපාධිධාරීන් වන මෙම පාසල් සංවර්ධන නිලධාරීන් ගුරු සේවයට අන්තර්ග්‍රහණය කරන බවට බලධාරීන් ප්‍රකාශ කර තිබුණද ඒ සම්බන්ධයෙන් නිශ්චිත තීරණයක් ගැනීම කල්දමමින් සිටින බවටයි උද්ඝෝෂකයින් චෝදනා කරන්නේ.
ඒ අනුව වහාම ඒ සම්බන්ධයෙන් කඩිනම් තීරණයක් ගන්නා ලෙසයි ඔවුන් බලධාරීන්ට බලකර සිටියේ.
ජායාරූප – අජිත් සෙනෙවිරත්න
