අද (28) දිනයේ ආරම්භ කිරීමට නියමිත ව තිබූ අකුරට වැඩ කිරීමේ වෘත්තීය සමිති ක්‍රියාමාර්ගය තාවකාලික ව අත්හිටුවීමට තීරණය කළ බව සමස්ත ලංකා වරාය පොදු සේවක සංගමය පවසයි.
2024, 2025, 2026 වසර තුන සඳහා වැටුප් වැඩිකරන ලෙස ඉල්ලමින් අද දිනයේ සිට අකුරට වැඩ කිරීමේ සංකේත වෘත්තීය සමිති ක්‍රියාමාර්ගයක් ආරම්භ කිරීමට තම සංගමය තීරණය කර තිබුණත් වරාය පාලනාධිකාරිය විසින් එම වෘත්තීය සමිති ක්‍රියාමාර්ගය සම්බන්ධයෙන් අධිකරණය හමුවට ගොස් ගනු ලැබූ වාරණ නියෝගයක් හේතුවෙන් සිය වෘත්තීය සමිති ක්‍රියාමාර්ගය අත්හිටුවීමට තීරණය කළ බවයි සමස්ත ලංකා වරාය පොදු සේවක සංගමයේ ප්‍රධාන ලේකම් නිරෝෂන් ගොරකානගේ මහතා සඳහන් කළේ.
කෙසේවෙතත් ජනවාරි මස 09 වැනිදායින් පසු යළි වෘත්තීය සමිති ක්‍රියාමාර්ගයක නිරත වීමට කටයුතු කරන බවත් ඒ මහතා ප්‍රකාශ කළේය.
RN
