සටහන – රෂිකා හෙන්නායක.
ලෝකය (අවුට්බවුන්ඩ් ටුඩේ): ඉන්ධන ප්‍රවාහන ටැංකියක් පෙරළී පුපුරා යාමෙන් , මධ්‍යම ලයිබීරියාවේ පුද්ගලයන් 40කට වැඩි පිරිසක් මියගොස් ඇති බව එරට ප්‍රධාන වෛද්‍ය නිලධාරී Francis Kateh ප්‍රකාශ කර ඇත.
විදෙස් මාධ්‍ය පවසන්නේ , මොන්රෝවියා අගනුවර සිට කිලෝමීටර් 130ක් පමණ දුරින් පිහිටි Totota නගරයේ මාර්ගයක් ඔස්සේ මෙම ටැංකිය පෙරළී ඇති බවයි.
ඇසින් දුටුවන් ප්‍රකාශ කරන්නේ , අවට සිටි මිනිසුන් ටැංකියෙන් ඉන්ධන ලබා ගැනීම සඳහා එම ස්ථානයට දිව ගිය විගසම එය පුපුරා ගිනිගෙන ඇති බවයි.
මියගිය අය අතර ගැබිනි කාන්තාවක් ද සිටි අතර, සමහර සිරුරු පිළිස්සී අළු වී ඇති බව වෛද්‍ය Francis Kateh පවසයි.
ඔහු වැඩිදුරටත් සඳහන් කරන්නේ , තුවාල ලැබූ 83 දෙනෙකුට වැඩි පිරිසක් රෝහල් ගත කර ඇති අතර වඩාත් බරපතල තුවාල ලැබූ රෝගීන් ප්‍රතිකාර සඳහා මොන්රෝවියා හි රෝහල් වෙත මාරු කර යවා ඇති බවයි.
