ස්පාඤ්ඤය ශ්වසන රෝග වැඩිවීම හේතුවෙන් මුහුණු ආවරණ අනිවාර්ය කරයි

සටහන – නිපුනි ලියනගේ

ජනවාරි 10, ලෝකය (අවුට්බවුන්ඩ් ටුඩේ): ශ්වසන රෝග වැඩිවීමක් හේතුවෙන් බදාදා සිට ස්පාඤ්ඤයේ රෝහල්වල සහ සෞඛ්‍ය සේවා මධ්‍යස්ථානවල මුහුණු ආවරණ පැළඳීම අනිවාර්ය කර ඇති බව එරට සෞඛ්‍ය අමාත්‍යාංශය පවසයි.

නව වාමාංශික සුළුතර සභාග ආන්ඩුව ස්පාඤ්ඤයේ ස්වයං පාලන කලාප 17 න් වැඩි ප්‍රමාණයක විරුද්ධත්වය නොතකා මෙම පියවර පනවා ඇත.

“අපි කතා කරන්නේ ඔබ සෞඛ්‍ය මධ්‍යස්ථානයකට ඇතුළු වන විට මුහුණු ආවරණයක් පැළඳීම සහ ඔබ පිටත්ව යන විට එය ගලවා ගැනීම පිළිබඳවයි,” සෞඛ්‍ය අමාත්‍ය මොනිකා ගාර්ෂියා ඉකුත් සඳුදා Cadena Ser ගුවන් විදුලියට පැවසීය.

උණ, COVID-19 සහ වෙනත් ශ්වසන රෝග වැඩිවීමෙන් පසු ස්පාඤ්ඤයේ රෝහල් මෑත සතිවල දැඩි පීඩනයකට ලක්ව ඇති අතර එයට පියවරක් වශයෙන් මෙම ක්‍රියාමාර්ග ගෙන ඇත.