කොළඹ LNW:සෞඛ්‍ය ක්ෂේත්‍රයේ වෘත්තීය සමිති 10ක පිරිස් වැඩ වර්ජනයක් ආරම්භ කර තිබේ.
වෛද්‍යවරුන්ට ලබා දෙන දීමනාවට සාපේක්ෂව තමන්ට ලබා දෙන දීමනා රුපියල් 35,000 කින් වැඩි කරන ලෙසයි ඔවුන් ඉල්ලා සිටින්නේ.
ඒ අනුව මහජන සෞඛ්‍ය පරීක්ෂකවරුන්,පවුල් සෞඛ්‍ය සේවා නිලධාරීන්, රසායනාගාර ශිල්පීන්, දත්ත කාර්මිකයන් ඇතුළු සෞඛ්‍ය සේවයට අනුබද්ධ වෘත්තීය සමිති 10 ක පිරිස මෙම වර්ජනයට එක්ව සිටියි.
අද පෙරවරු 08.00ට ආරම්භ වූ මෙම වැඩ වර්ජනය පැය 48 ක් පුරා ක්‍රියාත්මක කිරීමට නියමිතයි.
වෛද්‍යවරුන්ගේ රාජකාරී බාධා, පැමිණ සිටීමේ හා ප්‍රවාහන දීමනාව (Disturbance, Availability and Transport allowance – DAT) රු.35,000 සිට රු. 70,000ක් දක්වා වැඩිකිරීමට කැබිනට් අනුමැතිය හිමිව තිබුණු අතර ඒ අනුව සෙසු සෞඛ්‍ය වෘත්තිකයින් ද සිය දීමනා වැඩිවිය යුතු බවටයි අවධාරණය කරන්නේ.
ASK
