සටහන – රෂිකා හෙන්නායක
ජනවාරි 17 කොළඹ (LNW): 2023 වසරේ පාසල් 03 වන වාරයේ දෙවන අදියර එළඹෙන 05වැනිදා ආරම්භ කරන බව අධ්‍යාපන අමාත්‍යංශය සදහන් කරයි.
ඒ, උසස් පෙළ විභාගයේ කෘෂි විද්‍යාව ප්‍රශ්න පත්‍රය එළඹෙන 01වැනිදා පැවැත්වීමට විභාග දෙපාර්තමේන්තුව තීරණය කිරීම හේතුවෙන් බව දක්වා ඇත.
මීට පෙර 2023 වසරේ 03 වන පාසල් වාරයේ දෙවන අදියර එළඹෙන 01වැනිදා ආරම්භ කිරීමට අධ්‍යාපන අමාත්‍යංශය තීරණය කර තිබුණු අතර උසස් පෙළ කෘෂි විද්‍යාව ප්‍රශ්න පත්‍ර වල ප්‍රශ්න කිහිපයක් විභාගයට පෙර පිටවීම හේතුවෙන් නැවත පැවැත්වීමට තීරණය කළේය.
එබැවින්, කෘෂි විද්‍යා ප්‍රශ්න පත්‍රයේ දෙවන කොටස එළඹෙන 01 වැනිදා උදෑසන 08.30 සිට 11.40 දක්වා පැවැත්වීමට නියමිත අතර එහි පළමු කොටස එදිනම පස්වරු 01.00 සිට 03.00 දක්වා පැවැත්වෙන බව විභාග දෙපාර්මේන්තුව පවසයි.
රටපුරා සියලු තොරතුරු දැනගන්න එක්වන්න අපගේ Whatsapp Newsroom වෙත👇👇
