සටහන – නිශ්මං රණසිංහ
ජනවාරි 24 කොළඹ (LNW): ඇෆ්ගනිස්තානය සහ ශ්‍රී ලංකාව අතර පැවත්වෙන එක්දින තරගාවලිය කොළඹ ආර්.ප්‍රේමදාස ක්‍රීඩාංගණයේ සිට පල්ලෙකැලේ ජාත්‍යන්තර ක්‍රිකට් ක්‍රීඩාංගණය වෙත රැඟෙන යාමට තීරණය කර තිබෙනවා.ඒ අනුව පෙබරවාරි 9,11 සහ 14 යන දිනවල පැවත්වීමට නියමිත එක්දින තරග පල්ලෙකැලේ ක්‍රීඩාංගණයේ පැවත්වෙනු ඇත. වෙනසකින් තොරව තරග තුනම දිවා රාත්‍රී තරග ලෙස පැවත්වේ.
තරගාවලියට අයත් ටෙස්ට් තරගය කළින් යොදාගෙන තිබුණ පරිදි කොළඹ එස්එස්සී ක්‍රීඩාංගණයේදීම පෙබරවාරි 2 දා සිට 6 වන දා දක්වා පැවත්වීමට නියමිත අතර විස්සයි විස්ස තරගද පෙර දැණුම් දුන් පරිදිම පෙබරවාරි 17,19 සහ 21 යන තෙදින තුළ සුපුරුදු පරිදි දඹුල්ල ක්‍රීඩාංගණයේදී පැවත්වීමට කටයුතු යොදා තිබෙනවා.
