සටහන – රෂිකා හෙන්නායක
ජනවාරි 24 කොළඹ (LNW): ධීවරයින් 07දෙනෙකුට කොළඹ මහාධිකරණය මරණ දඬුවම ලබා දී ඇත. ඒ තංගල්ල මුහුදේදී බහුදින ධීවර යාත්‍රාවක් තුළ සිටි පුද්ගලයන් තුන් දෙනෙකු ඝාතනය කර තවත් දෙදෙනෙකුට මරණීය තුවාල සිදු කිරීමේ සිද්ධිය සම්බන්ධයෙනි.
2012 වසරේ ඔක්තෝබර් 15 වනදා තංගල්ල කුඩාවැල්ල ධීවර වරායෙන් මුහුදු ගිය තේජාන් නැමැති බහුදින ධීවර යාත්‍රාවේ සිටි පුද්ගලයන් තුන් දෙනෙකු මෙසේ ඝාතනය කර ඇති බව සඳහන් වේ.
දීර්ඝ නඩු විභාගයකින් පසුව තීන්දුව ප්‍රකාශයට පත් කළ කොළඹ මහාධිකරණ විනිසුරු ආධිත්‍ය පටබැඳීගේ මහතා චෝදනා සාධාරණ සැකයකින් තොරව ඔප්පු වී ඇති බව ප්‍රකාශ කර ඇත.
මහාධිකරණ විනිසුරුවරයා මෙම තීන්දුව ප්‍රකාශයට පත් කළේ ඉන් අනතුරුවයි.
