සටහන – සශිකලා මධුෂාණී
ජනවාරි 27, ලෝකය (අවුට්බවුන්ඩ් ටුඩේ): නිව් යෝර්ක් නගරයේ ජූරි සභාවක් පසුගිය සිකුරාදා(26) ඩොනල්ඩ් ට්‍රම්ප්ට එරෙහිව අපහාස නඩු ගොනු කළ තීරු ලිපි රචක ඊ ජීන් කැරොල්ට ඇයගේ කීර්තිනාමයට සහ චිත්තවේගීය යහපැවැත්මට සිදු කරන ලද හානිය වෙනුවෙන් ඩොලර් මිලියන 83.3 ක මුදලක් ගෙවීමට නියෝග කර ඇති බව වාර්තා කර තිබේ.
මෙම මෑන්හැටන් ෆෙඩරල් උසාවි තීන්දුව ලැබෙන්නේ හිටපු ජනධිපති ට්‍රම්ප් විසින් ඊ ජීන් කැරොල් අපකිර්තියට පත්කර ලිංගික අපයෝජන කළ බවට තහවුරු වී ඩොලර් මිලියන 5ක් දිනා වසරකටත් අඩු කාලයකට පසුවය.
නඩු තීන්දුවෙන් මොහොතකට පසු ට්‍රම්ප් සිය සමාජ මාධ්‍ය ගිණුමෙහි සදහන් කර තිබුණේ මෙම තීන්දුව අතිශයින්ම හාස්‍යජනක බවත්, නීති පද්ධතිය පාලනයෙන් තොර බවත් නීතිය දේශපාලනය අවියක් කරගෙන සිටින බවත්ය.
කෙසේ නමුත් කැරොල් මහත්මිය නිවේදනයක් නිකුත් කරමින් කියා සිටියේ, කාන්තාවන් පහත් කර හිරිහැර කරන සෑම කාන්තාවකටම විශාල ජයග්‍රහණයක් වන බවයි.
