සටහන – සශිකලා මධුෂාණී
ජනවාරි 31, ලෝකය (අවුට්බවුන්ඩ් ටුඩේ): පෞද්ගලික ලාභ ප්‍රයෝජන සඳහා රාජ්‍ය ත්‍යාග නීති විරෝධී ලෙස විකිණීම සම්බන්ධයෙන්
පාකිස්තානයේ හිටපු අගමැති ඉම්රාන් ඛාන් සහ ඔහුගේ බිරිඳ බුෂ්රා බීබී වෙත වසර 14ක සිර දඩුවම් එරට අධිකරණය විසින් නියම කර ඇති බව වාර්තා වේ.
ඛාන් අත්අඩංගුවට ගත් පසුගිය අගෝස්තු මාසයේ සිට මේ දක්වා රැඳවුම් භාරයේ සිටින අතර අද(31) තීන්දුවෙන් අනතුරුව ඔහුගේ බිරිඳ බුෂ්රා බීබී පොලීසිය වෙත භාර වී තිබේ.
මෙම අධිකරණ තීරණයෙන් අනතුරුව හිටපු අගමැතිවරයා ද වසර 10 කට රජයේ නිලතල දැරීමෙන් නුසුදුස්සකු වන අතර ඔහුට පෙබරවාරි 8වන දින පැවැත්වීමට නියමිත මහමැතිවරණය මගහැරේ.
2022 දී ඛාන් විරුද්ධවාදීන් විසින් අගමැති ධුරයෙන් නෙරපා හරින ලද දා සිට නොයේක් චෝදනාවන්ට ලක් වූ අතර ඔහු දිගින් දිගටම පවසා ඇත්තේ තමාට එරෙහිව ඇති බොහෝ නඩු දේශපාලනික අභිප්‍රේරිත ඒවා බවයි.
