ලබන 05 වැනිදායින් පසුව විදුලි කප්පාදුව සිදු නොකරන බව ලංකා විදුලිබල මණ්ඩලයේ නිළධාරීන් ජනාධිපති ගෝඨාභය රාජපක්ෂ මහතාට සහතික වී තිබෙනවා. විදුලි හා ඉන්ධන අර්බුදය සම්බන්ධයෙන් ජනාධිපති ලේකම් කාර්යාලයේදී පැවති සාකච්ඡාවේදී ඔවුන් මේ බව සඳහන් කර තිබේ.
ප්‍රමාදයකින් තොරව ඉන්ධන ගෙන්වීම, සංචිත පවත්වාගෙන යාම, විදුලි උත්පාදනය සඳහා ඉන්ධන සහ ගල් අඟුරු සැපයීම අඛණ්ඩව සිදු කරන ලෙස ජනාධිපතිවරයා එහිදී නිලධාරීන්ට උපදෙස්දී තිබේ.
දිවයින පුරා සියලු ඉන්ධන හල් වෙත හෙට (03) සිට අඛණ්ඩව ඉන්ධන බෙදාහැරීම සිදු කරන බැවින් අනිසි බියකින් නිකරුනේ ඉන්ධන එක්රැස් කර තබා ගැනීමෙන් වැළකී සිටින ලෙස ඛනිජ තෙල් නිළධාරීන් ජනතාවගෙන් ඉල්ලා සිටිනවා.
UN
