Tag: ඉන්ධන

ඊයේ දින ජනාධිපතිවරයා සමඟ පැවති සාකච්ජාවෙන් පසු විදුලිය කප්පාදු කිරීමේ තීරණයේ වෙනසක් සිදුව තිබෙන අතර කප්පාදුවකින් තොරව අඛණ්ඩව විදුලි සැපයුම දිය හැකි බව ලංකා විදුලි බල මණ්ඩලයේ විදුලි ඉංජිනේරු සංගමයේ කමිටු සාමාජික එරංග කුඩාහේවා මහතා අද (25) මාධ්‍ය වෙත කරුණු දක්වමින් පැවසුවේය.

මහජන උපයෝගීතා කොමිසමේ සභාපතිවරයා ජනතාවගෙන් ඉල්ලා සිටින්නේ හැකිතරම් පිරිමැස්මෙන් විදුලිය භාවිතා කරන ලෙසයි. විශේෂයෙන්ම වායු සමීකරණ යන්ත්‍ර, විදුලි පංකා වැනි වැඩි විදුලි ධාරිතාවයක් අවශ්‍ය වන උපකරණ භාවිතා කිරීම හැකිතරම් සීමා කර ගතහොත් විදුලි බිඳවැටීම් අවම කරගත හැකි බවද ඔහු පෙන්වා දෙනවා.

ඊයේ දිනයේදී මුදල් ගෙවීමට එකඟ වූ ඩීසල් සහ පෙට්‍රල් නෞකා දෙකේ ඉන්ධන ද ප්‍රමාණවත් වන්නේ ඉතාම සීමිත දින ගණකට පමණක් වුවත් සෑම සතියකදීම තෙල් නැවක් මෙරටට පැමිණෙන බව බලශක්ති අමාත්‍ය උදය ගම්මන්පිල මහතා පවසයි.

දෛනිකව පැය 02 - 09 අතර කාලසීමාවක් විදුලි සැපයුම අත්හිටුවීම සඳහා අවසර ලබා දෙන්නැයි ලංකා විදුලිබල මණ්ඩලයේ සාමාන්‍යාධිකාරීවරයා විසින් ශ්‍රී ලංකා මහජන උපයෝගීතා කොමිසම වෙත ඉල්ලීමක් ඉදිරිපත් කර තිබෙනවා.

ශ්‍රී ලංකාව යනු දවසට පැය 12ක් සූර්ය ආලෝකය ලැබෙන රටක් බැවින් හැම වහලක්ම විදුලි බලාගාරයක් බවට පත්කළ හැකි වුවත් ඉංජිනේරුවන් රැළක් ඊට ඉඩ නොදෙන බවත් වත්මන් විදුලි අර්බුදය නිර්මාණය වී ඇත්තේ ඒ නිසා බවත් බහාලුම් අංගන සහ ගුදම් පහසුකම් රාජ්‍ය අමාත්‍ය ජයන්ත සමරවීර මහතා පවසයි.